جەتى مەكتەپ پايدالانۋعا بەرىلەدى

وڭىردە 507 ورتا ءبىلىم بەرۋ ۇيىمىندا 248 مىڭنان استام وقۋشى ءبىلىم الىپ جاتىر. الەۋ­مەتتىك وسال وتباسىلار­دان شىققان 11 326 بالانى تەگىن تاماقپەن قامتاماسىز ەتۋ ماق­ساتىندا قىر­كۇيەك ايىندا 425,6 ملن تەڭگە قاراستىرىلعان. 2023 جىلى 20 مەكتەپتىڭ جانە 8 ءبىلىم ورداسىنىڭ جاپسارلاس قۇرىلىسىن جۇرگىزۋگە قازىنادان قوماقتى قاراجات بو­لىنگەن.

وبلىس اكىمدىگىنە قاراستى ءبىلىم باسقارماسىنىڭ باسشىلىعى كەلتىرگەن دەرەككە جۇگىنسەك, وسى جى­لى 19 قۇرىلىس نىسانى پاي­دالانۋعا بەرىلمەك. ءوڭىر باسشىسى ەربول قاراشوكەەۆ «جايلى مەكتەپ» ۇلتتىق جوباسى اياسىندا قۇرىلىس جۇمىستارى جۇرگىزىلەتىن نىساندارعا ايرىق­شا نازار اۋدارىپ وتىر. ويتكەنى ۇلتتىق جوبا اياسىندا كۇرمەۋى كۇردەلى بىرنەشە ماسەلە شەشىمىن تاباتىن بولادى.

جالپى العاندا, جامبىل وبلىسىندا 2023-2025 جىلدارى «جايلى مەكتەپ» ۇلتتىق جوباسى اياسىندا 9 500 وقۋشىعا ارنال­عان 12 مەكتەپ سالۋ جوسپار­لانعان بولسا, وسى جىلى 7 مەك­تەپ پايدالانۋعا بەرىلۋگە ءتيىس. ال قال­عان 5 نىساننىڭ قۇرى­لىس جۇ­مىستارى 2025 جىلى اياقتالادى.

دەرەككە سەنسەك, ۇلتتىق جوبا شەڭبە­رىندە بوي كوتەرەتىن عي­مارات­تار ەسەبىنەن بىرقاتار وتكىر ماسە­لەنى رەتتەپ الۋعا بولاتىن سەكىلدى.

ء«ۇش اۋىسىممەن جۇمىس ىستەي­تىن 2 مەكتەپتىڭ ماسەلەسى وسى جى­لى قوسىمشا قۇرىلىس ەسەبى­نەن شەشىمىن تاباتىن بولادى. سونداي-اق تاعى 2 مەكتەپتىڭ ماسە­لەسىن «جايلى مەكتەپ» ۇلتتىق جو­باسى اياسىندا بوي كوتەرەتىن عي­ماراتتار ەسەبىنەن شەشەمىز دەپ وتىرمىز.

وبلىس ورتالىعىنان شالعايدا جات­قان مويىنقۇم اۋدانىندا اپاتتى جاعدايداعى ەكى مەكتەپ بار. وتكىر پروبلەمانى وڭىنان شەشۋ ءۇشىن اۋداندا جاڭا عيماراتتار سالىنىپ جاتىر. قۇرىلىس جۇمىس­تارى وسى جىلى اياقتالماق.

تاراز قالاسىنداعى №53, №55 مەك­تەپ­تەردەگى وقۋشى ورنى تاپ­شىلىعى ماسەلەسى «اراي» تۇرعىن الابىنداعى 600 ورىندىق مەكتەپتىڭ جانە ءشولدالا تۇرعىن الابىنداعى «جايلى مەكتەپ» قۇرىلىسى ەسەبىنەن وسى جىلى تولىقتاي شەشىمىن تابادى», دەيدى وبلىس اكىمدىگى ءبىلىم باسقارماسى باسشىسىنىڭ مىندەتىن اتقارۋشى مۇحيت نىسانباەۆ.

مەملەكەتتىك دەڭگەيدە قولعا الىنعان «جايلى مەكتەپ» ۇلتتىق جوباسى اياسىندا وڭىردە 12 مەكتەپ سالىناتىنىن جو­عا­رىدا ايتتىق. ونىڭ 4-ەۋى تاراز قالا­سىندا بوي كوتەرسە, قورداي اۋدانىندا – 3, شۋ اۋدانىندا – 2, مەركى اۋدانىندا – 1, جامبىل مەن بايزاق اۋدان­دارىندا ەكى ءبىلىم ورداسى سالىناتىن بولادى.

«وتكەن جىلى 17 ءبىلىم نىسانىنا كۇردەلى جوندەۋ جۇمىستارىن جۇرگىزۋ ماقساتىندا قازىنادان 4,4 ملرد تەڭگە قاراستىرىلسا, قا­زىرگى كەزگە دەيىن 16 ءبىلىم وردا­سىندا جوسپارداعى جۇمىس تولى­عىمەن اياقتالعان. ال مويىن­قۇم اۋدانىندا ورنالاسقان ق.رىس­قۇلبەكوۆ اتىنداعى ورتا مەك­تەپتەگى جوندەۋ جۇ­مىستارى 1 ناۋ­­رىزدا اياقتالا­دى دەپ جوسپارلا­نىپ وتىر. بۇل ماسەلەنى تىكەلەي قادا­عالاپ وتىرمىز.

وسى جىلى «اۋىل – ەل بەسىگى» جوباسى اياسىندا 6 مەكتەپكە, وبلىستىق بيۋدجەت ەسەبىنەن 1 مەكتەپكە كۇردەلى جوندەۋ جۇمىستا­رى جۇرگىزىلەتىن بولادى», دەيدى م.نى­­سانباەۆ سالادا اتقارىلىپ جات­قان جۇمىستار, تۋرالى ويىمەن ءبولىسىپ.

جامبىلدىق وقۋشىلاردىڭ رەس­پۋب­لي­كالىق دەڭگەيدە وتكەن ءبىلىم باسەكەلەرىندە قول جەت­كىزگەن تابىستارى دا از ەمەس. ما­سە­لەن, تۇڭعىش رەت اۋىل مەكتەپ­تەرى وقۋشىلارىنىڭ اراسىن­دا ۇيىم­داس­تىرىلعان رەسپۋبلي­كالىق پان­دەر وليمپياداسىندا وڭىردەن 49 وقۋشى قاتىسىپ باق سىناسا, ونىڭ 30-ى جۇلدەگەرلەر قاتارىنان كورىنگەن. سونداي-اق قوعامدىق-گۋمانيتارلىق پان­دەر بويىنشا وتكىزىلگەن رەس­پۋب­­ليكا­لىق وليمپيادادا ءوڭىر­دىڭ كومانداسى جەڭىستىڭ بيىك تۇعى­رىنان كورىنگەن. سونىمەن قاتار رەسپۋبليكالىق وليمپيادا قورىتىندىسىنا سايكەس ءوڭىردىڭ 7 مەكتەبى ەلىمىزدەگى ۇزدىك 100 ءبىلىم ورداسىنىڭ قاتارىنا ەنگەن.

جالپى العاندا, «جايلى مەكتەپ» ۇلتتىق جوباسى مەملەكەت باسشىسىنىڭ تاپسىرماسى اياسىندا جۇزەگە اسىرىلىپ جاتقانى بەلگىلى. ۇكىمەت تە جوبا اياسىندا بوي كوتەرۋگە ءتيىس ءبىلىم وردالارىنا ايرىقشا دەن قويىپ وتىر.

ءوڭىر باسشىسى ە.قاراشوكەەۆ­تىڭ ايتۋىنشا, ۇلتتىق جوبا شەڭ­بەرىندە جۇزەگە اسىرىلاتىن جۇ­مىستارعا جاۋاپتىلار اسا جاۋاپ­كەرشىلىكپەن قاراۋعا ءتيىس. مۇنى ول مەردىگەرلەرمەن وتكەن كەزدەسۋ بارىسىندا دا شەگەلەپ تاپسىر­دى. ءبىر سوزبەن ايتقاندا, «جاي­لى مەك­تەپ» ۇلتتىق جوباسى اياسىندا بوي كوتەرەتىن نىساندار كەستە­دە كور­سەتىلگەن مەرزىمدە اياق­تا­لۋى كەرەك. بۇل ماسەلە وبلىس باسشىسىنىڭ تىكەلەي باقىلاۋىن­دا تۇر.

جامبىل وبلىسى