كەشە كولىك ءمينيسترى مارات قاراباەۆ ەلدەگى شاعىن اۆياتسيانى دامىتۋ ماسەلەلەرى بويىنشا كەڭەس وتكىزدى, دەپ حابارلايدى Egemen.kz.
جيىنعا اباي, ۇلىتاۋ, جەتىسۋ, شىعىس قازاقستان, قاراعاندى جانە قوستاناي وبلىستارى اكىمدىكتەرىنىڭ, «جەتىسۋ» جانە «وڭتۇستىك اسپان» اۋە كومپانيالارىنىڭ, سونداي-اق ءۇشارال, ءۇرجار, زايسان اۋەجايلارىنىڭ وكىلدەرى قاتىستى.
كەڭەس بارىسىندا شاعىن اۆياتسيانى ودان ءارى دامىتۋ ماسەلەلەرى تالقىلاندى. كەڭەس قورىتىندىسى بويىنشا كولىك مينيسترلىگىنىڭ باسشىسى ءۇرجار, ءۇشارال, زايسان, كاتونقاراعاي, قارقارالى, ۇلىتاۋ جانە ارقالىق قالالارىندا اۋەجايلاردىڭ قۇرىلىسى جانە ولاردى رەكونسترۋكتسيالاۋ ماسەلەلەرىن قاراۋدى, سونداي-اق شاعىن اۆياتسيانى دامىتۋ جونىندەگى جۇمىستى جالعاستىرۋدى تاپسىردى.
2023 جىلدىڭ سوڭىندا قازاقستان ءۇش اۋەجايدى شەتەلدىك ينۆەستورلاردىڭ سەنىمگەرلىك باسقارۋىنا بەرۋ تۋرالى كەلىسسوزدەر جۇرگىزىپ جاتقانى بەلگىلى بولدى. ولار قازاقستانداعى اۋەجايلاردى جاڭعىرتۋعا جالپى العاندا 2 ميلليارد 400 ميلليون دوللار جەكە ينۆەستيتسيا, سونىڭ ىشىندە شەتەلدىك ينۆەستيتسيا تارتۋدى جوسپارلاپ وتىر.