قر توتەنشە جاعدايلار مينيسترلىگىنە قاراستى «سەيسمولوگيالىق باقىلاۋلار جانە زەرتتەۋلەر ۇلتتىق عىلىمي ورتالىعى» جشس سەيسميكالىق ستانسالار جەلىسى كەزەكتى جەر سىلكىنىسىن تىركەدى. ونىڭ وشاعى الماتىدان وڭتۇستىككە قاراي 263 شاقىرىم جەردە ورنالاسقان, دەپ حابارلايدى Egemen.kz.
جەر سىلكىنىسى 2024 جىلدىڭ 23 قاڭتارىندا الماتى ۋاقىتىمەن ساعات 13:19-دا تىركەلدى.
«جەر سىلكىنىسىنىڭ وشاعى الماتىدان وڭتۇستىككە قاراي 263 شاقىرىم جەردە, قىرعىزستان مەن قىتاي شەكاراسىندا ورنالاسقان. دۇمپۋلەر قازاقستان اۋماعىندا سەزىلگەن جوق», دەلىنگەن ماماندار تاراتقان حابارلامادا.
جەر سىلكىنىسىنىڭ ەنەرگەتيكالىق كلاسى – 10,5. ماگنيتۋداسى MPV – 4,5. ەپيتسەنتر كوورديناتتارى – 41,15° سولتۇستىك. 78,48° E. تەرەڭدىگى – 5 كم.
ەسكە سالايىق, 2024 جىلدىڭ 23 قاڭتارىنا قاراعان ءتۇنى الماتىدا جەر سىلكىنىسى بولدى. الماتى تۇرعىندارى سەزىنگەن جەراستى دۇمپۋلەر بەس باللعا جەتتى.