قىزىلورداعا چەح رەسپۋبليكاسىنان بيزنەس وكىلدەرى كەلىپ, وڭىردەگى ينۆەستيتسيالىق جوبالارمەن تانىستى. شەتەلدىكتەر سىرداعى بالىق ونىمدەرىن ەكسپورتتاۋ, ەنەرگەتيكالىق جوبالار مەن مۇناي-گاز قۇبىرلارى وندىرىسىنە قىزىعۋشىلىق تانىتىپ وتىر.
چەح ىسكەرلەرىمەن كەزدەسكەن وبلىس اكىمى نۇرلىبەك نالىباەۆ قىزىلوردالىقتار جاڭا ىسكەرلىك بايلانىستار ورناتىپ, ءوزارا ءتيىمدى قارىم-قاتىناستاردى دامىتۋعا ءاردايىم دايىن ەكەنىن ايتتى.
قىزىلوردا – اۋىل شارۋاشىلىعى مەن ونەركاسىپ سالاسى دامىعان, مينەرالدىق شيكىزات رەسۋرستارىنا باي اگرو-يندۋستريالىق ءوڭىر. وبلىس اۋماعىندا كىشى ارال تەڭىزى مەن سىرداريا وزەنىنەن بولەك بالىق اۋلاۋ كاسىبى جولعا قويىلعان 201 كول بار. وڭىردە جىلىنا مىڭداعان توننا ءونىم وندىرەتىن 10 بالىق وڭدەۋ زاۋىتى جۇمىس ىستەپ تۇر. وتكەن جىلى قۇنى 8,3 ملن دوللار بولاتىن 3,3 مىڭ توننا بالىق ونىمدەرى ەكسپورتتالدى. سىر بالىعىن تۇتىناتىن ەلدەر اراسىندا ەۋروپا مەن تمد مەملەكەتتەرى بار
– ەنەرگەتيكا سالاسىنداعى سوڭعى جاڭالىقتاردىڭ ءبىرى – ايماقتا جيىنتىق قۋاتتىلىعى 89 مەگاۆاتتىق 9 كۇن ەلەكتر ستانساسى جۇمىس ىستەيدى. ونىڭ ۇشەۋى شەتەل ينۆەستورلارىنىڭ قاتىسۋىمەن جۇزەگە اسىپ وتىر. سونىمەن قاتار «اكسا ەنەردجي» تۇرىك كومپانياسى قىزىلوردا قالاسىندا قۋاتتىلىعى 240 مەگاۆاتتىق جىلۋ-ەلەكتر ستانساسىن سالىپ جاتىر. ونىڭ قۋاتى ءوڭىر سۇرانىسىن تولىق قامتيدى. ەكسپورتقا باعىتتالعان, وڭدەلگەن وتاندىق ونىمدەرگە بىرقاتار قولداۋ شارالارى بار. سىرتقى نارىققا شىعارۋ ءۇشىن كاسىپورىندارعا جان-جاقتى سەرۆيستىك قولداۋ كورسەتىلەدى, جول شىعىندارى 80%-عا دەيىن وتەلەدى. سىزدەرگە بولاشاعى بار جوبالاردى ىسكە اسىرۋدا مۇمكىندىگىنشە جان-جاقتى قولداۋ كورسەتەمىز. ءبىزدىڭ وڭىرگە كەلگەن ساپارىڭىز قىزىلوردا وبلىسى مەن چەحيا اراسىنداعى دوستىق بايلانىستى ودان ءارى ۇلعاياتىنىنا سەنىمدىمىن, – دەدى وبلىس باسشىسى.
ينۆەستورلار ۇسىنىلعان جوبالارعا قىزىعۋشىلىق تانىتىپ, الداعى ۋاقىتتا اتالعان سالالار بويىنشا ارىپتەستىك ورناتۋعا نيەت ءبىلدىردى.
قىزىلوردا