يندونەزيانىڭ فلورەس ارالىنداعى لەۆوتوبي لاكي-لاكي جانارتاۋىنىڭ اتقىلاۋىنا بايلانىستى 6 مىڭنان استام ادام قاۋىپسىز جەرگە كوشىرىلدى. جەرگىلىكتى بيلىك جوعارعى دەڭگەيدەگى توتەنشە جاعداي جاريالادى, دەپ حابارلايدى Egemen.kz.
The Associated Press اگەنتتىگىنىڭ حابارلاۋىنشا, فلورەس ارالىنداعى لەۆوتوبي لاكي-لاكي جانارتاۋىنىڭ اتقىلاۋىنا بايلانىستى يندونەزيادا 6,5 مىڭعا جۋىق ادام ەۆاكۋاتسيالاندى. بىرنەشە كۇننەن بەرى تاۋدىڭ كراتەرىنەن سۇر-قوڭىر كۇلدىڭ قالىڭ باعاناسى كوتەرىلىپ جاتىر. ازىرگە اتقىلاۋدىڭ سالدارىنان ەشكىم زارداپ شەككەن جوق.
فرانس پرەسس اگەنتتىگىنىڭ حابارلاۋىنشا, فلورەس ارالىندا جانارتاۋ بەلسەندىلىگىنىڭ كۇشەيۋى بىرنەشە اپتاعا سوزىلعان. جەرگىلىكتى بيلىك جوعارى دەڭگەيدە توتەنشە جاعداي جاريالاپ, تۇرعىندارعا جانارتاۋدان ءتورت-بەس شاقىرىمداي قاشىقتا ءجۇرۋ ۇسىنىلدى. اينالاداعى ەلدى-مەكەن تۇرعىندارى تۋىستارىنىڭ ۇيىنەن جانە ۋاقىتشا ەۆاكۋاتسيالاۋ ورتالىقتارىنان باسپانا تاپتى.
ايتا كەتەيىك, يندونەزيا جانارتاۋ بەلسەندىلىگى جوعارىلاعان تىنىق مۇحيتتىق ءورت ساقيناسىندا ورنالاسقان. 270 ميلليون حالقى بار ەلدە 120 بەلسەندى جانارتاۋ بار. يندونەزيادا دا جەر سىلكىنىسى ءجيى بولىپ تۇرادى.
قاڭتار ايىنىڭ باسىندا يندونەزيانىڭ سۋماترا ارالىندا ماراپي جانارتاۋى قايتادان وياندى. ول جەلتوقسان ايىندا اتقىلاپ, 23 ادامنىڭ ءومىرىن قيدى.