اۋستراليانىڭ باللارات قالاسىندا 2-8 قاڭتار ارالىعىندا وتكەن الەمدىك Virtus Cycling World Series 2024 دوداسىندا وتانداسىمىز داستان ورداباي ەكى ءتۇرلى قاشىقتىقتان 2 التىن مەدال جەڭىپ الدى.
بۇكىل الەمنىڭ مىقتى ۆەلوسيپەدشىلەرى باق سىناعان جارىسقا قازاقستاننان اۋتيستىك سپەكتر ەرەكشەلىگى بار پارااتلەت داستان ورداباي ۇسىنىلدى. داستان ii-3 (زەردەسى زاقىمدالعان) سانات بويىنشا 18,8 كم قاشىقتىقتاعى جەكە جارىستا ۋاقىتقا (Time trial) جانە 5,5 كم قاشىقتىقتا كريتەريۋمگە (Criterium) قاتىستى. ناتيجەسىندە, اتالعان قاشىقتىقتان الدىنا جان سالماي, باس جۇلدەنى ولجالادى.
«داستان ورداباي ءوز ەلىنە ەكى التىن جەڭىپ, تۇڭعىش ازيالىق اۋتيست سپورتشى اتانىپ, قازاقستان تاريحىنا ەسىمىن قالدىردى», دەپ اتاپ ءوتتى ينتەللەكتۋالدىق بۇزىلۋى بار ادامدارعا ارنالعان سپورت فەدەراتسياسىنىڭ پرەزيدەنتى دينا تەمىرعاليەۆا.