19 قاڭتار – 1 اقپان ارالىعىندا وڭتۇستىك كورەيانىڭ كانۆوندو پروۆينتسياسىنداعى كاننىن قالاسىندا IV قىسقى جاستار وليمپياداسى وتەتىنى ءمالىم. وعان قازاقستاننان 10 باعدارلاما بويىنشا قاتىساتىن 42 وتانداسىمىزدىڭ اراسىنان ەلوردالىق سپورتشىلار ءتىزىمى انىقتالدى, دەپ حابارلايدى Egemen.kz.
استانا اكىمدىگىنىڭ رەسمي سايتى ءمالىم ەتكەندەي, ەلوردالىق جاس سپورتشىلار كيورلينگ, كونكيمەن جۇگىرۋ, شاڭعى جارىسى سپورتتارى بويىنشا ءدۇبىرلى دوداعا ەنەدى.
كيورلينگ: مەرەي تاستەمىر, يبراگيم تاستەمىر.
شاڭعى جارىستارى: بەرىك بورانباەۆ.
كونكيمەن جۇگىرۋ سپورتى: رۋسلان ءجانادىلوۆ.
ايتا كەتسەك, كانۆوندو وليمپياداسىنا اتتاناتىن سپورتشىلاردى ىرىكتەۋ بويىنشا جارىستار 2023 جىلدىڭ باسىنان بەرى وتكەن, نەگىزگىسى قر-نىڭ IV قىسقى جاستار سپورت ويىندارى سانالادى. 3 ايعا سوزىلعان اتالعان سايىستا 11 باعدارلاما بويىنشا ۇزدىكتەر انىقتالعان, اتاپ ايتقاندا: بياتلون, كيورلينگ, كونكيمەن جۇگىرۋ, شورت-ترەك, شاڭعى جارىستارى, مانەرلەپ سىرعاناۋ, فريستايل-موگۋل, فريستايل-اكروباتيكا, شايبالى حوككەي, شاڭعىمەن تۇعىردان سەكىرۋ.