قوستانايدا ۇلتتىق ۇلان ساربازدارى قاندى قاڭتار وقيعاسىندا قازا تاپقان قوس جاۋىنگەر ماديار قايساروۆ پەن ايبات امانوۆتى ەسكە الدى.
ەسكە الۋ جيىنىندا سويلەگەن «ورتالىق» وڭىرلىك قولباسشىلىعى 6697 اسكەري ءبولىمىنىڭ كومانديرى, پولكوۆنيك تالعات ءابدىروۆ ەل تىنىشتىعى ءۇشىن جانىن قيعان قوس ساربازدىڭ ەرلىگى ەشقاشان ۇمىتىلمايتىنىن ايتتى.
«قاڭتار وقيعاسىندا قىرشىن كەتكەن ۇلتتىق ۇلاننىڭ قاتارداعى جاۋىنگەرلەرى ماديار قايساروۆ پەن ايبات امانوۆتى ەسىمدەرى ەل ەسىندە ماڭگى قالدى. ولار پرەزيدەنت جارلىعىمەن ءىىى دارەجەلى «ايبىن» وردەنىمەن ناگرادتالدى. قىسىلتاياڭ ساتتە قايسارلىق تانىتىپ, وتان تىنىشتىعى ءۇشىن ءومىرىن قيعان باتىرلاردىڭ ەرلىگى ماڭگى جادىمىزدا ساقتالادى», دەدى ت.ءابدىروۆ.
ازالى جيىننىڭ ءسوڭىندا بىر ساتتىك ۇنسىزدىك جاريالانىپ, قوس ساربازعا ارنالعان قۇرمەت بۇرىشىنا گۇل شوقتارى قويىلدى.