اسپانتاۋ اياسىنداعى قۋانىش

بەرەكە-بىرلىگى ۇيىسقان اجار­لى اۋىلدا الىستان «مەن-مۇندالايتىن» مادەنيەت ءۇيى­نىڭ قۇرىلىسى اياقتالىپ, تۇر­عىنداردىڭ پايدالانۋىنا بە­رىلۋى سالتاناتتى تۇردە اتالىپ ءوتتى. شاراعا قاتىسقان رايىم­بەك اۋدانىنىڭ اكىمى بەرىك دۇيسەنباەۆ اۋىل جۇرتىن قۋا­نىشتارىمەن قۇتتىقتاپ, 180 ورىندىق عيماراتتىڭ ەل يگى­لىگىن كورىپ, جاس ۇرپاقتىڭ ونەرىن ۇشتاپ, مادەنيەتىن قالىپ­تاستىرۋعا سەپتىگى تيۋىنە تىلەكتەستىگىن ءبىلدىردى.

كوپتەن كۇتكەن مادەني نى­ساننىڭ اشىلۋىنا اۋىلدىڭ ۇلكەن-كىشىسى تۇگەل جيىلىپ, اق جاۋلىقتى انالار شاشۋىن شاشىپ, قاريالار اق باتاسىن جاۋدىردى. ءسان-سالتاناتى جاراسقان زاماناۋي ۇلگىدەگى مادەنيەت وشاعىنىڭ ساحناسىندا اۋىل ونەرپازدارى اۋەزدى ءان شىرقاپ, بي بيلەدى. قاقپاق اۋىلىنىڭ قۋانىشىن تاسىتقان شارا بارىسىندا قولونەر بۇيىمدارى مەن ۇلتتىق تاعام تۇرلەرىنەن كوز قىزىقتىراتىن كورمە ۇيىم­داستىرىلدى.

وسى ورايدا ەسكە سالساق, وت­كەن جىلى رايىمبەك اۋدانىندا جان جادىراتارلىق جاعىمدى جاڭالىقتار از بولماعان. سونىڭ ءبىرى ءارى بىرەگەيى قا­سيەت­تى قاراساز اۋىلىنداعى ما­دە­نيەت ءۇيىنىڭ ال­­دىنا ەركىن ءىبى­تانوۆتىڭ ءمۇ­سىنى قويىلىپ, اقىن بەينەسى حال­قى­مەن قايتا قا­ۋىشتى.

بۇعان قوسا, شالكودە, تەكەس جانە جامبىل اۋىلدارىندا وكرۋگ اكىمدىگى عيماراتىنىڭ قۇرى­لىستارى اياقتالىپ, پاي­دالانۋعا بەرىلۋى دە اۋىلدىڭ كوركىن كىرگىزىپ, ەڭسەسىن تىكتەۋىنە وڭ اسەر ەتكەنى ءسوزسىز.

الماتى وبلىسى