بيىلعى كۇز ايىنىڭ جىلداعىدان جىلى بولۋىنا قاراپ, وڭتۇستىك وڭىردە قىس تۇسپەيتىندەي كورىنىپ ەدى. الايدا جەلتوقساننىڭ ەكىنشى ونكۇندىگىنەن باستاپ اۋا رايىنىڭ كۇرت بۇزىلۋى ايماقتى ءاپ-ساتتە اق مامىققا وراپ تاستادى. ناتيجەسىندە, وبلىس ورتالىعى قوناەۆتا كوممۋنالدى قىزمەت كورسەتۋشى كومپانيا جۇمىسكەرلەرى ءبىر تاۋلىكتە 44 مىڭ تەكشە مەتردەن استام قار شىعارعانى جونىندە قوناەۆ قالاسى اكىمدىگىنىڭ ءباسپاسوز قىزمەتى حاباردار ەتتى.
«قازگيدرومەتتىڭ مالىمەتىنشە, قوناەۆقا 24,5 مم قار جاۋعان. بۇل – ورتاشا ايلىق كورسەتكىشتەن (21 مم) جوعارى. قازىرگى تاڭدا كوممۋنالدى قىزمەت كورسەتۋشى كومپانيا قالا اكىمى نۇرلان قۇماتاەۆتىڭ تاپسىرماسىمەن كۇشەيتىلگەن رەجىمدە جۇمىس جاساپ جاتىر. قالادا تاۋلىك بويى قار تازالانىپ جاتىر. جۇرگىزۋشىلەردەن كولىكتەرىن جولدىڭ جيەگىندە قالدىرماۋدى سۇرايمىز. سەبەبى كولىكتەر اۋىر تەحنيكالاردىڭ جۇرۋىنە كەدەرگى جاسايدى», دەلىنگەن اكىمدىكتىڭ حابارلاماسىندا.
بۇگىندە قالادا 13 تەحنيكا مەن 30 ادام كىدىرىسسىز جۇمىس جاساپ جاتىر. الدىمەن قوعامدىق كولىكتەر جۇرەتىن جولدار كۇرەلىپ, كەيىننەن باسقا كوشەلەردى قاردان تازارتۋ جۇمىستارى جوسپارلى تۇردە جۇزەگە اسىرىلىپ جاتىر.
الماتى وبلىسى