ۆەنگريانىڭ باس شاھارى بۋداپەشتتە ءوتىپ جاتقان شايبالى حوككەيدەن الەم چەمپيوناتىندا 1ا ديۆيزيونىندا قازاقستان جاستار قۇراماسى ءۇشىنشى جەڭىسىنە قول جەتكىزدى, دەپ حابارلايدى Egemen.kz.
قازاقستان قۇراماسى فرانتسيا حوككەي قاقپاسىنا 4 شايبا سوعىپ, ويسىراتا جەڭدى (4:0).
ەستەرىڭىزگە سالايىق, بۇعان دەيىن ەلىمىزدىڭ جاستار قۇراماسى اۋەلى ۆەنگريانى (5:2) ۇتتى, كەيىن دانيادان (3:2) باسىم تۇسكەن ەدى.
قازاقستان جاستار قۇراماسى ءۇش ويىننان كەيىن 9 ۇپايمەن كوش باستاپ كەلەدى.
بۇگىن قازاقستان جاپونياعا قارسى ماتچ وتكىزەدى.
ايتا كەتسەك, 1ا ديۆيزيونىنىڭ جەڭىمپازى كەلەسى جىلى جاستار اراسىنداعى الەم چەمپيوناتىنىڭ ەليتالىق كەزەڭىندە وينايدى.