كەلەر جىلدىڭ گازەت, جۋرنالدارىنا جازىلۋ ناۋقانىنان ەل سەنىمىن ارقالاعان دەپۋتاتتاردىڭ دا تىسقارى قالماعانى قانداي عانيبەت؟ سونىڭ ىشىندە ەلىمىزدىڭ باستى گازەتى «ەگەمەنگە» جاناشىرلىق جۇرەكپەن, قامقور كوڭىلمەن وزدەرى عانا جازىلىپ قويماي, ارداقتى اعالاردىڭ, اقجاۋلىقتى انالاردىڭ جازىلۋىنا قولۇشىن سوزعان ازاماتتاردىڭ ىسىنە سۇيسىنبەۋگە بولا ما؟
پارلامەنت ءماجىلىسىنىڭ دەپۋتاتتارى ەربولات ساتىبالدين مەن امانجول ءالتاي ۇلىتاۋ وبلىسىنىڭ 50 ەڭبەك ارداگەرىن 2024 جىلعا «Egemen Qazaqstan»-عا ءوز قاراجاتتارىنا جازدىرىپ بەردى.
– بۇل قوس جىگىتكە العىسىمىز شەكسىز. ءبىزدىڭ ءبىراۋىز ءسوزىمىزدى جەرگە تاستامادى, ءوتىنىشىمىزدى قۇپ الدى. ناتيجەسىندە, 50 ارداگەرىمىز «ەگەمەنگە» تەگىن جازىلدى. دەپۋتات رەتىندە حالىقتىڭ كوكەيىندەگى ماسەلەلەردى كوتەرىپ جۇرەتىن ولار ەندى, مىنە, وسىنداي دا ازاماتتىق تانىتىپ وتىر. ءبىز مۇنى ارداگەرلەرگە عانا ەمەس, قازاقتىلدى باسپاسوزگە دەگەن قامقورلىق دەپ باعالايمىز. ولاردىڭ دەندەرىنە ساۋلىق, شاڭىراقتارىنا شاتتىق, قىزمەتىنە ابىروي تىلەيمىز, دەيدى ۇلىتاۋ وبلىسى ارداگەرلەر كەڭەسىنىڭ توراعاسى ساعىندىق اعا قوجامسەيىتوۆ.
ءماجىلىس تورىندە جۇرگەن قوس دەپۋتاتتىڭ اقجولتاي جومارتتىعى باسقا ازاماتتارعا دا جۇعىستى بولعاي!
ۇلىتاۋ وبلىسى