PISA كورسەتكىشى

وقۋ-اعارتۋ مينيسترلىگىنىڭ حابارلاۋىنشا, ءبىزدىڭ وقۋشى­لار جاراتىلىستانۋ ءپانى بو­يىن­شا ءوز كورسەتكىشتەرىن 26 ۇپايعا جاقسارتقان. سول ار­قى­لى قاتى­سۋشى مەملەكەتتەر ارا­سىندا ەڭ جوعارى وسىمگە قول جەتكىزدى ءارى ماتەماتيكا مەن وقۋ كورسەتكىشتەرىن ەكونوميكالىق ىنتىماقتاستىق جانە دامۋ ۇيىمىنىڭ سەگىز ەلىمەن بىردەي دەڭگەيدە ساقتاپ قالدى. بۇل ەلىمىزدىڭ ماتەماتيكا جانە جاراتىلىستانۋ بويىنشا توپ-50 ەلدىڭ ىشىنە كىرۋىنە مۇمكىندىك بەردى. قازاقستان 81 ەلدىڭ ىشىندە ماتەماتيكادان 46-ورىندى (2018 جىلى 54-ورىن), وقۋدان 61-ورىندى (2018 جىلى 69-ورىن), جا­را­تى­لىستانۋ ءپانى بويىنشا 49-ورىندى (2018 جىلى 69-ورىن) يەلەندى.

سونىمەن قاتار PISA-2022 ناتيجەلەرى بويىنشا ەلىمىزدەگى قالا مەن اۋىلدىق جەرلەردەگى وقۋشىلار اراسىنداعى ءبىلىم ساپاسىنىڭ الشاقتىعى ازاي­عانى بايقالادى. وقۋ-اعارتۋ ءمينيسترى عاني بەيسەمباەۆتىڭ ايتۋىنشا, وتاندىق ءبىلىم سالاسىنىڭ دامۋى بىرقاتار فاكتورعا بايلانىستى.

– مەملەكەت باسشىسىنىڭ ءبىلىم بەرۋ جۇيەسىنە ۇزدىكسىز كورسە­تىپ كەلە جاتقان جان-جاق­تى قولداۋىنىڭ ناتيجەسىندە وسىن­داي كورسەتكىشتەرگە قول جەت­كىزىلدى. پەداگوگ مارتەبەسىن ارتتىرۋ, جالاقىنى كوبەيتۋ, قوسىمشا ءبىلىم بەرۋدى, ينفرا­قۇرىلىمدى دامىتۋ, بالالارى­مىز ءۇشىن قاۋىپ­سىز جانە جايلى ورتانى قام­­­تا­ماسىز ەتۋ شارالارى ءبىلىم سا­پا­سىن ارتتىرۋعا تىكەلەي اسەر ەتە­دى. ءبىلىم سالاسىن دامىتۋداعى مەم­لەكەتتىك ۇستانىمنىڭ دۇ­رىس­تىعى اي­قىن­دالدى. وسى باعىتتاعى جۇمىس­تى كۇشەيتە تۇسكەن ءجون, – دەدى مينيستر.

ايتا كەتۋ كەرەك, وقۋ-اعارتۋ مينيسترلىگى حالىقارالىق تاجى­ريبەنى ەسكەرە وتىرىپ, ءبىلىم بەرۋ ساپاسىن ودان ءارى ارتتىرۋ ءۇشىن 5 نەگىزگى باعىت بويىنشا جۇيەلى جۇمىستار جۇرگىزۋ ۇستىندە. اتاپ ايتساق, ء«بىلىم بەرۋدەگى وزگەرىس­تەردىڭ 1000 كوشباسشىسى» كادر­لىق رەزەرۆىن قالىپتاستىرۋ جانە مەنەدجمەنتتى نىعايتۋ; 21 عاسىرداعى داعدىلار مەن قۇ­زىرەتتەردى دامىتۋ ءۇشىن وقۋ باعدارلامالارىن جاڭار­تۋ, اۋىل مەكتەپتەرىن قول­داۋ جونىندەگى كە­شەندى باع­دار­لامانى ىسكە اسى­رۋ; دايىن­دىق تاسىلدەرىن جەتىل­دىرۋ, پە­دا­گوگ­تەر­دى قايتا دايارلاۋ جانە بىلىكتىلىگىن ارتتىرۋ; «جاي­لى مەكتەپ» ۇلتتىق جوباسى شەڭ­بەرىندە جاڭا مەكتەپتەر سالۋ, قالعان ءبىلىم وشاق­تارىن جاڭعىرتۋ, ينفراقۇ­رىلىمىن دامىتۋ; ساپانى باعالاۋدىڭ ۇلتتىق جۇيەسىن ترانسفورماتسيالاۋ. بۇل شا­را­لاردىڭ بارلىعى بيىل ۇكىمەت قاۋلىسىمەن بەكىتىلگەن مەكتەپكە دەيىنگى, ورتا, تەحني­كا­­لىق جانە كاسىپتىك ءبىلىم بەرۋ­دى دامىتۋدىڭ 2023-2029 جىلدارعا ارنالعان تۇجىرىم­داماسىندا قامتىلعان.

– قازاقستان PISA حالىقارا­لىق باعدارلاماسىنىڭ وسىمەن بەسىنشى تسيكلىنە قاتىستى. ونىڭ ىشىندە ەكىنشى رەت تەستى­لەۋدى كومپيۋتەرلىك فورمات­تا تاپسىر­دى. اتالعان تەستىلەۋ 2022 جىل­دىڭ ءساۋىر ايىندا وتكەن بولاتىن. وعان قازاق­ستاننان 571 ءبىلىم بەرۋ ۇيىمى قاتىستى. 15 جاس­قا دەيىنگى 19 769 ءبىلىم الۋ­شى سىناقتان ءوتتى. ياعني ءاربىر وڭىر­دەگى وقۋ­شىلاردىڭ 5-9 پايى­زى قام­تىلدى. تەستىلەۋ قورىتىن­دى­سى­نا زەر سالساق, 2018 جىلمەن سالىستىرعاندا ماتەماتيكا بويىنشا جەتى مەملەكەت ساپا كورسەتكىشىن جاقسارتقان. بۇل قاتاردا قازاقستان دا بار. ءبىزدىڭ ەل رەيتينگتەگى ورنىن 2 ۇپايعا ارتتىردى. 24 ەلدىڭ كورسەتكىشى وزگەرىسسىز قالسا, 41 مەملەكەتتىڭ دەڭگەيى تومەندەگەن. وقۋ باعىتى بو­يىنشا دا جەتى مەملەكەتتىڭ كورسەتكىشتەرى جاقسارعان. 29 مەملەكەتتىڭ دەڭگەيى تۇراقتى. قازاقستان دا وسى قاتاردا تۇر. 35 مەملەكەتتىڭ كورسەتكىشى كە­مى­گەن. جاراتىلىستانۋ باعى­تىن­دا 18 مەملەكەت وڭ ناتيجە كورسەتكەن. بۇل رەتتە قازاقستان 18 ەلدىڭ ىشىندە 26 ۇپايلىق وسىممەن ءبىرىن­شى ورىندى يەلەندى. اتال­عان باعىتتا 33 مەملەكەتتىڭ دەڭ­گەيى تۇراقتى دەپ باعالانسا, 21 ەل­دىڭ ناتيجەسى تومەندەگەن. باي­قا­عان­دارىڭىزداي ءبىزدىڭ ەل ما­تە­ما­تيكا جانە جاراتىلىس­تانۋ باعىتتارى بويىنشا جاق­سى ناتيجە كورسەتتى. ەندى الدىمىزدا وقۋ كورسەتكىشتەرىن جاقسارتۋ مىندەتى تۇر. ەكونو­ميكالىق ىنتىماقتاستىق جانە دامۋ ۇيىمى ۇسىناتىن تولىق ناتيجە قولىمىزعا تيگەن سوڭ ءار باعىت بويىنشا ەگجەي-تەگ­جەي­لى جۇمىس جۇرگىزەمىز, – دەيدى وقۋ-اعارتۋ ءبىرىنشى ۆي­تسە-ءمينيسترى ناتاليا جۇما­دىلداەۆا.

ماتەماتيكا باعىتى بو­يىنشا ۇزدىك ۇشتىككە سين­گاپۋر, ماكاو (قىتاي) جانە قىتاي­لىق تايبەي جايعاسقان. وقۋ با­عىتىندا سين­گاپۋر, يرلان­ديا جانە جاپو­نيا العاش­قى ءۇش ورىندى ءوزارا بولىس­كەن. جاراتىلىستانۋ باعى­تى بويىنشا سينگاپۋر, جاپو­نيا جانە ماكاو (قىتاي) وقۋشىلارى جوعارى ناتيجە كورسەتكەن.