الماتى وبلىسىنداعى ءبىلىم مەكەمەلەرىندە قاۋىپسىزدىكتى قامتاماسىز ەتۋ ماقساتىندا وڭىردەگى 10 كوللەدج بەن 96 مەكتەپكە «FACE ID» اقپاراتتىق جۇيەسى ورناتىلدى. بۇل تۋرالى وبلىستىق ءبىلىم باسقارماسىنىڭ ءباسپاسوز قىزمەتى حاباردار ەتتى.
جاڭا جۇيەگە ستۋدەنتتەر, وقۋشىلار مەن مۇعالىمدەردىڭ, تەحنيكالىق قىزمەتكەرلەردىڭ ەلەكتروندى سۋرەتتەرى مەن اتى-ءجونى ەنگىزىلگەن.
قۇرىلعىنىڭ بەينەكامەراسىنا قاراعان كەزدە بازاعا تىركەلگەن ادامدارعا تۋرنيكەتتەر اۆتوماتتى تۇردە اشىلادى. ال سىرتتان كەلگەن بوتەن ادامدارعا ارنايى قىزىل بەلگى كورسەتىلەدى. سايكەسىنشە ءبىلىم بەرۋ مەكەمەسىنە بوتەن ادامداردىڭ كىرۋىنە توسقاۋىل قويىلىپ, بالالاردىڭ قاۋىپسىزدىگى قامتاماسىز ەتىلەدى. زاماناۋي قۇرىلعىنىڭ تاعى ءبىر ارتىقشىلىعى – ءبىلىم الۋشىلاردىڭ ءبىلىم ورداسىنا كىرگەن-شىققان ۋاقىتىن ايقىنداپ وتىرادى.
الماتى وبلىسى