30 قاراشا كۇنى ساعات 15:50-دە شاياحمەتوۆ كوشەسىنىڭ بويىنداعى كوپقاباتتى قۇرىلىس نىسانىندا جۇمىس ىستەپ جاتقان كران قۇلادى. كابينادا 49 جاستاعى كرانشى وتىرعان. مارقۇم سول جەردە قازا تاپتى.
«اتالعان دەرەك بويىنشا قر قك 277-بابىنىڭ 2-بولىگىنە سايكەس «تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بويىنشا ادام ولىمىنە اكەپ سوققان سوتقا دەيىنگى تەرگەۋ باستالدى. وقيعا ورىنىندا بارلىق قاجەتتى تەرگەۋ امالدارى جۇرگىزىلەدى. كراننىڭ قۇلاۋ سەبەبى انىقتالىپ جاتىر. تەرگەۋ ءجۇرىپ جاتقاندىقتان, باسى ارتىق مالىمەتتەر جاريا ەتىلمەيدى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
قوستاناي وبلىسى