اتىراۋدا كۇندەلىكتى تۇتىناتىن ازىق-ت ۇلىك تە, تولعاۋى توقسان تىرشىلىككە قاجەتتى وزگە بۇيىمدار دا ارزان ەمەس. ال الەۋمەتتىك ماڭىزى بار ازىق-تۇلىكتىڭ باعاسى 2,2 پايىزعا وسكەنى انىقتالىپ وتىر. ءتىپتى ۇكىمەتتىڭ ۇدايى باقىلاۋىنداعى بۇل تاۋارلاردى دۇكەن سورەسىنە جەتكىزەتىن دەلدالدار ۇستەمە باعانى 15 پايىزدان اسىرىپ جىبەرگەن.
بۇل ماسەلە وبلىس اكىمى سەرىك شاپكەنوۆ وتكىزگەن جيىندا ارنايى قارالدى. ماقسات – الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ.
وبلىستىق كاسىپكەرلىك جانە ونەركاسىپ باسقارماسىنىڭ باسشىسى پولىمبەت حاسانوۆتىڭ ايتۋىنشا, جىل باسىنان بەرى شارۋا قوجالىقتارىنىڭ جەتەكشىلەرىمەن الەۋمەتتىك ماڭىزى بار ازىق-ت ۇلىك ونىمدەرىن تۇتىنۋشىعا ءتيىمدى باعامەن ءارى جەتكىلىكتى مولشەردە قامتاماسىز ەتۋ ماقساتىندا 284 مەموراندۋمعا قول قويىلىپتى. بىراق تۇرعىنداردىڭ باسىم بولىگى ساتىپ الاتىن بۇل ازىق-ت ۇلىكتىڭ باعاسىن ءوسىرىپ وتىرعان ءتيىمسىز دەلدالدار بار. ماۋسىمارالىق كەزەڭدە يمپورتتىق تاۋارلاردىڭ باعاسىنىڭ كوتەرىلۋىنەن 8 ازىق-ت ۇلىكتىڭ قىمباتتاعانى بايقالادى. ازىق-ت ۇلىك باعاسىنا 15 پايىزدان ۇستەمە قوسىپ, دۇكەنگە دەيىن تاسىمالداعان 19 كاسىپكەرلىك سۋبەكتىسىنە اكىمشىلىك قۇقىق بۇزۋشىلىق تۋرالى كودەكسىنىڭ 204-4-بابىنا سايكەس اكىمشىلىك حاتتامالار تولتىرىلعان.
«اتىراۋ» الەۋمەتتىك-كاسىپكەرلىك كورپوراتسياسى» اق-نىڭ باسقارما توراعاسى دانيار تاحانوۆتىڭ ايتۋىنا قاراعاندا, تۇراقتاندىرۋ قورىن تولىقتىرۋ ءۇشىن 2020-2022 جىلدارى 3,1 ملرد تەڭگە بولىنگەن. ال الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ءۇشىن جەرگىلىكتى ساۋدا نۇكتەلەرىمەن 10 كەلىسىمشارت جاسالعان.
«الەۋمەتتىك ماڭىزى بار ازىق-ت ۇلىكتىڭ 18 ءتۇرىن ساتۋعا ەكى ساۋدا جەلىسىمەن ءۇش كەلىسىمشارت جاسالدى. كەلىسىمشارتتىڭ سوماسى – 968 ملن تەڭگە. ازىق-ت ۇلىكتىڭ ساتۋ باعاسى نارىقتىق قۇنىنان 10 پايىزعا تومەن. مۇنداي ازىق-ت ۇلىكتەر 38 ساۋدا نۇكتەسىندە ساتىلادى. ماسەلەن, اتىراۋ قالاسىندا – 32, جىلىوي مەن قىزىلقوعا اۋدانىندا – 2, ماقات پەن يندەر اۋدانىندا 1 ساۋدا نۇكتەسى بار. تاۋارلاردىڭ باعاسىنا اپتا سايىن تەكسەرۋ جۇرگىزەمىز», دەيدى د.تاحانوۆ.
الايدا وبلىس اكىمى اپپاراتىنىڭ يسپەكتورلارى جۇرگىزگەن تالداۋ ناتيجەسىنە سۇيەنسەك, تۇرعىن ۇيلەر جانىنداعى دۇكەندەردە الەۋمەتتىك ماڭىزى بار ازىق-ت ۇلىكتىڭ باعاسى قىمبات ەكەنى انىقتالعان. دەمەك وبلىس اكىمى س.شاپكەنوۆتىڭ پىكىرىنشە, سالا باسشىلارى الەۋمەتتىك ماڭىزى بار ازىق-ت ۇلىكتەردىڭ باعاسىن تۇراقتاندىرا الماي وتىر. ازىق-ت ۇلىك تاۋارلارىنا باعا بەلگىلەۋ تىزبەگىنە قاتىستى دەلدالدىق سحەمالاردى تەكسەرۋ جونىندەگى كوميسسيانىڭ جۇمىسى ءتيىستى دەڭگەيدە ۇيىمداستىرىلماعان.
ء«بىزدىڭ باستى مىندەتىمىز – ازىق-ت ۇلىك باعاسىن تۇراقتاندىرۋ. مەملەكەت باسشىسى 2023 جىلدىڭ سوڭىندا ينفلياتسيا دەڭگەيىن 10%-دان اسپايتىن دالىزدە ۇستاپ تۇرۋ تۋرالى تاپسىرما بەردى. باعانى وسىرمەۋ تۋرالى جاسالعان مەموراندۋمداردا ءبارى كەرەمەت. ال ونىڭ تالابى قانشالىقتى ورىندالىپ وتىر؟ وسى كەزگە دەيىن جاسالعان ءار مەموراندۋمنىڭ ورىندالىسىن تەكسەرگەن ءجون. ۇستەمە باعانى 15 پايىزدان ارتىق قوساتىن دەلدالداردى جاۋاپكەرشىلىككە تارتۋ كەرەك. اتىراۋ قالاسىنداعى, اۋداندارداعى نەگىزگى ساۋدا نۇكتەلەرىندە باعا بىردەي بولۋعا ءتيىس. ءىرى سۋپەرماركەتتەردە ازىق-ت ۇلىك تومەن باعامەن ساتىلىپ جاتىر. بىراق تۇرعىندار ارزان ازىق-ت ۇلىكتى ىزدەپ جۇرمەيدى عوي. ءۇي ماڭىنداعى دۇكەندەردەن ساتىپ الادى. مۇندا تاۋار باعاسىنا ەكى ەسە قوسىلىپ وتىر», دەدى س.شاپكەنوۆ.
اتىراۋ وبلىسى