حالىقارالىق كورمەلەر بيۋروسىنا (حكب) مۇشە مەملەكەتتەر EXPO 2030 دۇنيەجۇزىلىك كورمەسىن ۇيىمداستىرۋشى رەتىندە ساۋد ارابياسىن تاڭدادى, دەپ حابارلايدى Egemen.kz حكب ءباسپاسوز قىزمەتىنە سىلتەمە جاساپ.
EXPO 2030 كورمەسى ەر-ريادتا 2030 جىلدىڭ 1 قازانىنان 2031 جىلدىڭ 31 ناۋرىزىنا دەيىن وتەدى. نەگىزگى تاقىرىپ – «وزگەرىس ءداۋىرى: ەرتەڭدى بىرگە ەلەستەتۋ».
EXPO 2030 كورمەسىن وتكىزۋ قۇقىعىنا ءۇش ەل ءوتىنىش ءبىلدىردى. ساۋد ارابياسىنان باسقا كورەيا رەسپۋبليكاسى (پۋسان قالاسى) مەن يتاليادان (ريم قالاسى) ءوتىنىش تۇسكەن.
قابىلداۋشى ەل ء«بىر ەل, ءبىر داۋىس» قاعيداتى بويىنشا جاسىرىن ەلەكتروندى داۋىس بەرۋ ارقىلى تاڭدالدى.
سوڭعى دۇنيەجۇزىلىك كورمە – EXPO 2020 دۋبايدا «يدەيالاردى بىرىكتىرۋ ارقىلى, بولاشاقتى قۇرۋ» تاقىرىبىمەن ءوتتى. كەلەسى ەكسپو كورمەسى وساكادا 2025 جىلدىڭ 13 ءساۋىرى مەن 13 قازانى ارالىعىندا ء«بىزدىڭ ءومىرىمىز ءۇشىن بولاشاق قوعامدى قۇرۋ» تاقىرىبىمەن وتەدى.