اقش-تىڭ نيۋ-يورك قالاسىندا بۇۇ-نىڭ باس عيماراتىندا 27 قاراشادا باستالعان يادرولىق قارۋعا تىيىم سالۋ شارتىنا (ياقتسش) قاتىسۋشى ەلدەردىڭ ەكىنشى كونفەرەنتسياسىنا پرەمەر-ءمينيستردىڭ ورىنباسارى, سىرتقى ىستەر ءمينيسترى مۇرات نۇرتىلەۋ قاتىسىپ, ءسوز سويلەدى, دەپ حابارلايدى Egemen.kz.
سىرتقى ىستەر ۆەدومستۆوسىنىڭ ءباسپاسوز قىزمەتىنىڭ مالىمەتىنشە مۇرات نۇرتىلەۋ بۇۇ باس حاتشىسى انتونيو گۋتەرريشپەن كەزدەستى. بۇۇ باس حاتشىسى قازىرگى گەوساياسي جاعدايداعى ەلىمىزدىڭ ماڭىزدى ءرولىن جانە مەملەكەت باسشىسىنىڭ ءتيىمدى ديپلوماتياسىن جوعارى باعالاپ, قازاقستاننىڭ جاھاندىق ۇيىمنىڭ بىتىمگەرشىلىك ميسسيالارىنا قولداۋ كورسەتكەنىنە العىس ءبىلدىردى.
سىرتقى ىستەر ءمينيسترى بۇۇ باس حاتشىسىنىڭ قارۋسىزدانۋ ماسەلەلەرى جونىندەگى ورىنباسارى يزۋمي ناكاميتسۋمەن دە كەزدەسىپ, جاپپاي قىرىپ-جويۋ قارۋىن تاراتپاۋ رەجيمىن نىعايتۋ جانە يادرولىق قارۋدان ازات ايماقتار اراسىنداعى ىنتىماقتاستىقتى كەڭەيتۋ جونىندەگى باستامالاردى تالقىلادى. ونىڭ ىشىندە ق.توقاەۆتىڭ حالىقارالىق بيولوگيالىق قاۋىپسىزدىك اگەنتتىگىن قۇرۋ جونىندەگى باستاماسىن ىسكە اسىرۋ جايىنا توقتالدى.
ال, يادرولىق قارۋدى جويۋ جونىندەگى حالىقارالىق ناۋقاننىڭ (ICAN) اتقارۋشى ديرەكتورى مەليسا پارك يادرولىق قارۋعا تيىم سالۋ بويىنشا شارتقا قاتىسۋشى ەلدەردىڭ ءۇشىنشى كونفەرەنتسياسىنا قازاقستاننىڭ توراعالىق ەتۋىن قولداپ, بىرلەسىپ جۇمىس ىستەۋگە دايىن ەكەنىن جەتكىزدى.