حالىق تاريحىنداعى بيلەر ينستيتۋتىن مەدياتسيا مۇمكىندىكتەرى ارقىلى زاماناۋي جاڭعىرتۋ – ۋاقىت تالابى. ويتكەنى قازىرگى تاڭدا ادىلەتتى مەملەكەت, ءبىرتۇتاس ۇلت, بەرەكەلى قوعام قالىپتاستىرۋداعى مەدياتسيانىڭ ءرولىن ارتتىرۋ ماڭىزدى سۇراقتاردىڭ قاتارىنا شىعىپ وتىر. جالپى, سان الۋان داۋ-جانجالداردى, ءتىپتى ورتا دارەجەلى قىلمىستىق ىستەردى دە سوتقا جەتكىزبەي, بەيبىت جولمەن شەشۋ ەلىمىزدە كەڭ تاراعان ءۇردىس ەكەنى انىق.
جاقىندا قىزىلوردا وبلىستىق قوعامدىق دامۋ باسقارماسىنىڭ «قوعامدىق كەلىسىم» كمم ۇيىمداستىرۋىمەن «مەدياتسيا – ازاماتتىق قوعامنىڭ جاڭا ساتىسى» تاقىرىبىندا كەزدەسۋ ءوتتى.
كەزدەسۋدىڭ ماقساتى – تاجىريبە الماسۋ, ەلىمىزدەگى مەدياتسيا ينستيتۋتىن دامىتۋدىڭ جولدارىن سارالاۋ, مەدياتورلار اراسىندا كاسىبي بايلانىستاردى دامىتۋ جانە قازاقستان حالقى اسسامبلەياسى مەدياتسيا قۇرىلىمىنىڭ مەملەكەتتىك ورگاندار مەن ازاماتتىق قوعام ينستيتۋتىمەن ءوزارا ءىس-قيمىلىنىڭ نەگىزگى تەتىكتەرىن تالقىلاۋ.
مەدياتورلار باس قوسقان كەزدەسۋدە وبلىستىق قوعامدىق دامۋ باسقارماسى باسشىسىنىڭ ورىنباسارى, مودەراتور ءۋاليحان يبراەۆ وڭىردەگى بىتىمگەرلىك باعىتىندا اتقارىلعان تولىمدى جۇمىستاردى ءسوز ەتتى. «جالپى, بىتىمگەرلىك – ادامدار اراسىنداعى سىيلاستىقتى, تاتۋلىق پەن بەرەكەنى, ەلدىڭ تۇتاستىعىن ساقتاۋداعى ەڭ ۇتىمدى ءتاسىل دەسەك, مەدياتور ەكى تاراپتىڭ اراسىنداعى التىن كوپىر ىسپەتتى. مۇنداي جانداردىڭ قوعامداعى ماڭىزى زور, ەڭبەگى وراسان», دەدى ول.
جيىندا جىل كولەمىندە اتقارىلىپ جاتقان جۇمىستار تۋرالى وبلىستىق قازاقستان حالقى اسسامبلەياسى جانىنداعى مەدياتسيا كابينەتىنىڭ ۇيلەستىرۋشىسى ش.ابدرامانوۆا بايانداما جاسادى. ال جاڭاقورعان اۋداندىق قوعامدىق مەدياتور ا.جانىبەكوۆ, وبلىستىق مەكتەپتىك مەدياتسيا باعىتىنداعى وقۋشىلار اراسىنداعى عىلىمي جوبا جەتەكشىسى ا.جاندىلداەۆ, وبلىستىق قحا جانىنداعى مەدياتورلار كەڭەسىنىڭ مۇشەسى, ء«بىتىم» مەدياتسيا ورتالىعى» قوعامدىق بىرلەستىگىنىڭ ديرەكتورى ج.ميرامبەكقىزى جانە «اقيقات نۇرى» قوعامدىق بىرلەستىگىنىڭ توراعاسى, كاسىبي مەدياتور م.نۇرجانوۆ تاتۋلىق پەن بەرەكەنى, ەلدىڭ تۇتاستىعىن ساقتاۋداعى ەڭ ۇتىمدى ءتاسىل – بىتىمگەرلىك باعىتىن دامىتىپ, نىعايتۋدا اتقارىلىپ جاتقان تولىمدى جۇمىستارعا توقتالىپ, ۇسىنىس-پىكىرلەرىن ورتاعا سالدى. كەزدەسۋ سوڭىندا قازاقستان حالقى بىرلىگى مەن قوعامدىق كەلىسىمدى نىعايتۋدا قوسقان ەلەۋلى ۇلەستەرى ءۇشىن بىرقاتار مەدياتور وبلىستىق قوعامدىق دامۋ باسقارماسى باسشىسىنىڭ العىسحاتىمەن ماراپاتتالدى.
بۇگىنگى كۇنى وبلىس كولەمىندە جىل بويى وبلىستىق قحا-مەن بىرلەسىپ جۇمىس اتقاراتىن 45 مەدياتوردىڭ, كەڭەس قۇرامىندا 14 مەدياتوردىڭ ءتىزىمى جاساقتالعان.
وبلىستىق قازاقستان حالقى اسسامبلەياسى تاراپىنان مۇددەلى مەملەكەتتىك قۇرىلىمدارمەن بىرلەسكەن تۇردە وڭىردە مەدياتسيا ينستيتۋتىن ىلگەرىلەتۋگە جانە داۋلاردى سوتتان تىس شەشۋ جولدارىن ناسيحاتتاۋ بويىنشا كەشەندى ءىس-شارالار جۇزەگە اسىرىلدى. ەسەپتى مەرزىمدە قحا مەدياتورلارىنا كەلىپ تۇسكەن ءوتىنىش 92-دەن اسادى, ونىڭ ىشىندە ەتنوسارالىق داۋلار ورىن العان جوق.
جىل باسىنان بەرى وبلىس كولەمىندە مەدياتسياعا قاتىستى 123 ءتۇرلى فورماتتى كەزدەسۋ, جيىن, اشىق ەسىك پەن ءتۇسىندىرۋ ۇيىمداستىرىلسا, بۇل ءىس-شارالارعا 6 180-نەن استام تۇرعىن قاتىسقان.