تاراز قالاسىندا تۇرعىنداردى قولجەتىمدى باسپانامەن قامتۋ بويىنشا وڭتايلى يپوتەكالىق باعدارلامالار جۇزەگە اسىرىلىپ جاتىر. قازىرگى كەزدە مەملەكەتتىك قوردان تۇرعىن ءۇي كەزەگىندە تۇرعان I, II توپتاعى مۇگەدەكتىگى بارلار, كوپبالالى وتباسى, مۇگە- دەكتىگى بار بالا اسىراۋشى وتباسى, كامەلەتكە تولعانعا دەيىن اتا-انالارىنان ايىرىلعان جيىرما توعىز جاسقا تولماعان جەتىم بالالار مەن اتا-اناسىنىڭ قامقورلىعىنسىز قالعان بالالار ساناتىندا تۇرعان ازاماتتارعا ارنالعان «باقىتتى وتباسى» باعدارلاماسى اياسىندا 460 پاتەرگە 4 ملرد تەڭگە بولىنگەن.
بۇگىنگى تاڭدا «باقىتتى وتباسى» باعدارلاماسىنىڭ قاتىسۋشىلارىنا 1,5 ميلليونعا دەيىن تۇرعىن ءۇي سەرتيفيكاتى بەرىلىپ جاتىر. ال «كونتسەپتسيا» باعدارلاماسى اياسىندا 500 پاتەرگە 4 ملرد تەڭگە قاراستىرىلعان. اتالعان پاتەرلەر ينجەنەرلىك قۇرىلىسى اياقتالعان سوڭ كونكۋرسقا شىعارىلماق.
جەرگىلىكتى اتقارۋشى بيلىك كەلتىرگەن دەرەككە سەنسەك, «7-20-25» مەملەكەتتىك باعدارلاماسى اياسىندا 523 پاتەر راسىمدەلگەن. 2020-2025 جىلدارعا ارنالعان «نۇرلى جەر» تۇرعىن ءۇي قۇرىلىسى مەملەكەتتىك باعدارلاماسى اياسىندا بۇگىندە 3 623 پاتەرگە ساتىپ الۋ كەلىسىمشارتى جاسالىپتى.
2023 جىلعا دەيىن جەرگىلىكتى اتقارۋشى ورگانداردا باسپاناعا مۇقتاج ادام رەتىندە ءۇي كەزەگىندە تۇرعان ازاماتتارعا ارنالعان «نۇرلى جەر» باعدارلاماسىنىڭ جاڭا باعىتى «شاڭىراق» (5-10-20) باعدارلاماسى ىسكە قوسىلىپ, 751 وتباسى باسپانالى بولعان. سونىمەن قاتار 2019 جىلدان باستاپ ءۇي كەزەگىندە «تولىق ەمەس وتباسى», «كوپبالالى وتباسى», «مۇگەدەكتىگى بار بالا اسىراۋشى وتباسى» ساناتىندا كەزەكتە تۇرعان ازاماتتارعا ارنالعان «باقىتتى وتباسى» باعدارلاماسى بويىنشا 288 وتباسى ءۇيلى بولىپ وتىر.
تاراز