بىرەگەي ورتالىق

زاماناۋي ساۋلەت ۇلگىسىمەن سالىنعان, اۋدانى 12 مىڭ شارشى مەتر بولاتىن ءۇش قاباتتى عيماراتتا سوڭعى بۋىن­دى كومپيۋتەرلەرمەن جاب­دىقتالعان كيبەرسپورت زا­لى, ينجەنەريا, گيدروپونيكا, اكۆاپونيكا كابينەتتەرى, ۆيرتۋالدى شىندىق بولمەسى, 3D مودەلدەۋ كابينەتى, روبوتتەحنيكا جانە كۇن باتا­رەياسى مەن جەل گەنەراتورلا­رى بار جاڭارتىلاتىن قۋات كوزدەرى ۇيىرمەسى, 300 ورىن­دىق ءماجىلىس زالى, LED ەكرانى بار كوۆوركينگ زالى, مە­ديا قۇرىلعىلارمەن جاب­دىق­تالعان وقۋ زالى, رەجيسسەرلىك جانە اكتەرلىك شەبەرلىك شىڭ­­دايتىن كابينەتى بار. وقۋ­­شىلار سارايىندا 1 300 دا­رىندى بالاعا ارنالعان عى­لىمي تەحنيكا, ەكولوگيا جانە بيولوگيا, ەستەتيكا باعىت­تارىنداعى 48 ۇيىرمە جۇمىس ىستەيدى. سمارت-ورتالىق اشىل­عان كۇنى وبلىس اكىمى قۇمار اقساقالوۆ ارنايى باس سۇعىپ, كابينەتتەردى ارالاپ كوردى.

– ەندى بالالارعا مەكتەپ­تەن تىس ۋاقىتتا عىلىمي ىزدەنىستەرمەن اينالىسىپ, ءبىلىمىن ارتتىرۋعا, بويداعى قابىلەتتى جەتىلدىرۋگە مۇم­كىن­دىك بار. جاڭا ورتالىق وقۋ­شىلاردىڭ ءبىلىم دەڭگەيىن دا­مىتىپ, رەسپۋبليكالىق, حا­لىق­ارالىق ءبىلىم جارىستا­رىنا ءجيى قاتىسۋىنا جول اشا­دى. بالانىڭ جان-جاق­تى دامۋىنا جاقسى جاعداي جاسالعان مۇنداي ورتالىقتار اۋىل بالالارى ءۇشىن دە اۋاداي قاجەت. بۇل ماسەلەنى ءبىز الداعى ۋاقىتتا اۋدان اكىمدەرىمەن بىرگە تالقىلايتىن بولا­مىز. ول ءۇشىن جاقسى عيمارات ىزدەۋ كەرەك, وبلىس قازىناسىنان قا­­راجات بولىنۋگە ءتيىس, – دەدى اكىم.

«Iqostanay» سمارت-ورتا­لى­عىندا وقۋشىلاردى عىلىمي تەحنيكاعا ۇيرەتەتىن 26 توپ, ەكولوگيا مەن بيولوگيا بو­يىن­شا 8 توپ, ەستەتيكالىق با­عىت بويىنشا 14 توپ اشىلادى دەپ جوسپارلانعان. ازىر­شە 850 اتا-انادان ءوتىنىش ءتۇسىپ­تى. جاڭا ءبىلىم مەكەمەسىنە 84 ادام تۇراقتى جۇمىسقا ورنا­لاسقان.

– بىزدە ەڭبەك ءوتىلى جوعا­رى بىلىكتى مۇعالىمدەر دە, جاڭا كەلگەن جاس ماماندار دا بار. سونىمەن قاتار س.ماۋلەنوۆ اتىنداعى گيمنازيا, فيزيكا-ماتەماتيكا ليتسەيى سياقتى ين­نوۆاتسيالىق مەكتەپتەر­دىڭ مۇعالىمدەرى دە قوسىم­شا جۇ­مىس ىستەيدى, – دەيدى «Iqostanay» وقۋشىلار سارايى ديرەكتورىنىڭ مىندەتىن ات­­قا­رۋشى مۇرات نۇرجانوۆ.

قوستاناي وبلىسى