قوستاناي وبلىسىنىڭ حالقىمەن ەسەپ بەرۋ كەزدەسۋىن وتكىزگەن تۋريزم جانە سپورت ءمينيسترى ەرمەك مارجىقپاەۆ قىتايدا وتكەن جازعى ازيا ويىندارىنا قاتىسقان ءوڭىر سپورتشىلارىنىڭ كورسەتكىشى تىم تومەن بولعانىن ايتتى, دەپ حابارلايدى Egemen.kz.
«قىتايدا وتكەن ازيا ويىندارىنىڭ قورىتىندىسى بويىنشا, وڭىرلەردىڭ مەدال ۇلەسى جاعىنان قوستاناي وبلىسى ەڭ ناشار ناتيجە كورسەتتى. جەرگىلىكتى سپورتشىلار 1998 جىلعى ويىنداردان كەيىن بيىل العاش رەت ەل قورجىنىنا بىردە-ءبىر التىن, ءتىپتى كۇمىس مەدال دا سالا العان جوق. سونىمەن قاتار جۋىردا عانا استانادا وتكەن بوكستان قازاقستان سپارتاكياداسىندا دا قوستاناي وبلىسىنىڭ بوكسشىلارى فينالعا جەتە العان جوق. بار-جوعى ءبىر قولا مەدال يەلەندى. بۇل – قوستاناي سياقتى بوكستان بىرنەشە الەم جانە ازيا چەمپيوناتىنىڭ جەڭىمپازدارىن, وليمپيادانىڭ جۇلدەگەرلەرىن تاربيەلەپ شىعارعان ءوڭىر ءۇشىن وتە ۇياتتى جاعداي», دەدى مينيستر.
قوستاناي وبلىستىق بوكس فەدەراتسياسىنىڭ باسشىلىعىنا بۇل ماسەلەنى ءجىتى قاداعالاۋدا ۇستاۋ قاجەتتىگىن جەتكىزدى.