مەملەكەت باسشىسى SOVICO Group كومپانياسىنىڭ باسقارما توراعاسى نگۋەن تحان حۋنگتى قابىلدادى, دەپ حابارلايدى Egemen.kz
قاسىم-جومارت توقاەۆ نگۋەن تحان حۋنگكە ءىلتيپات بىلدىرە وتىرىپ, ءوزىنىڭ بيىل تامىز ايىندا ۆەتنامعا جاساعان رەسمي ساپارىن ەسكە سالدى. ساپار بارىسىندا قول جەتكىزىلگەن ۋاعدالاستىقتار ەكىجاقتى ىنتىماقتاستىقتى كەڭەيتۋگە جانە ءوزارا ءتيىمدى كووپەراتسيانىڭ جاڭا باعىتتارىن اشۋعا تىڭ سەرپىن بەردى.
پرەزيدەنت SOVICO Group كومپانياسىنىڭ ينۆەستيتسيالىق قىزمەتىنە قاجەتتى جاعداي جاساۋعا ەلىمىزدىڭ دايىن ەكەنىن جەتكىزدى.
ء«سىزدىڭ قازاقستانداعى ىسكەرلىك بەلسەندىلىگىڭىزدى قۇپتايمىز. ءوزارا ىنتىماقتاستىق ورناتاتىن سالالاردى ايقىنداي الاتىنىمىزعا سەنىمدىمىن», دەدى قاسىم-جومارت توقاەۆ.
مەملەكەت باسشىسىنىڭ ايتۋىنشا, اتالعان شارالار قازاقستان مەن ۆەتنام اراسىنداعى ىسكەرلىك بايلانىستى جانداندىرۋعا ىقپال ەتەدى.
كەزدەسۋ بارىسىندا ىقپالداستىقتىڭ پەرسپەكتيۆتى باعىتتارى, سونىڭ ىشىندە كولىك-لوگيستيكا, قارجى جانە تاۋ-كەن سالالارىنداعى ىنتىماقتاستىق ماسەلەلەرى قاراستىرىلدى.