شىعىس قازاقستان وبلىسىندا NEET ساناتىنداعى جاستاردىڭ ۇلەسى وتكەن جىلدىڭ سايكەس كەزەڭىمەن سالىستىرعاندا 6,5 پايىزعا تومەندەگەن. بۇل وسى ساناتتاعى جاستاردىڭ جالپى سانىنىڭ 4,1 پايىزىن قۇرايدى.
بۇل جونىندە وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا وبلىستىق قوعامدىق دامۋ باسقارماسى جاستارمەن جانە ازاماتتىق قوعام ينستيتۋتتارىمەن جۇمىس ءبولىمىنىڭ باسشىسى ەركەبۇلان بالتابەكوۆ مالىمدەدى.
– 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا جاستاردى جۇمىسپەن قامتۋدىڭ نەگىزگى قۇرالى بولىپ سانالادى. جىل باسىنان بەرى جوباعا 9 034 ادام قاتىستى. ونىڭ ىشىندە 6 050 ادام جۇمىسقا, ال 5 808 ادام تۇراقتى جۇمىس ورىندارىنا ورنالاستىرىلدى. قىسقامەرزىمدى وقىتۋعا 328 جاس جىبەرىلدى. سونىمەن قاتار 182 ادام وقۋدى اياقتادى, ونىڭ ىشىندە 55-ءسى بيزنەس-يدەيالاردى ىسكە اسىرۋعا 400 اەك مولشەرىندە مەملەكەتتىك گرانت الدى, – دەپ اتاپ ءوتتى ەركەبۇلان بالتابەكوۆ.
سونىمەن قاتار بيىل كاسىپكەرلىكتى قولداۋ جوباسى اياسىندا جاستار ءۇشىن 218 شاعىن نەسيە بەرۋ جوسپارلانعان, بۇگىندە 231 ادام شاعىن نەسيە الدى. وبلىس بويىنشا بارلىعى 104 بوس ورىن جارمەڭكەسى وتكىزىلىپ, وعان 479 جۇمىس بەرۋشى جانە 2 569 جۇمىس ىزدەپ جۇرگەن جان, ونىڭ ىشىندە 500 جاس قاتىستى.
– بيىل «جاسىل ەل» جوباسى بويىنشا مىڭعا جۋىق جاستى جۇمىسپەن قامتۋعا كۆوتا بەكىتىلدى. ال «ديپلوممەن – اۋىلعا!» باعدارلاماسى اياسىندا 43 مامان 221,8 ملن تەڭگەگە بيۋدجەتتىك نەسيە الدى, 215 مامان 74,2 ملن تەڭگەگە كوتەرمە جاردەماقى الدى, – دەپ اتاپ ءوتتى سپيكەر.