سەنات دەپۋتاتتارى قارجى جانە بيۋدجەت كوميتەتىنىڭ كەڭەيتىلگەن وتىرىسىندا «2024-2026 جىلدارعا ارنالعان رەسپۋبليكالىق بيۋدجەت تۋرالى» جانە «قازاقستان رەسپۋبليكاسىنىڭ ۇلتتىق قورىنان 2024-2026 جىلدارعا ارنالعان كەپىلدەندىرىلگەن ترانسفەرت تۋرالى» زاڭداردى تالقىلادى.
قارجى مينيسترلىگى وكىلىنىڭ اقپاراتى بويىنشا 2024 جىلى الەۋمەتتىك سالانىڭ شىعىستارى 2023 جىلعا قاراعاندا 1,4 ترلن تەڭگەگە ۇلعايىپ, 9,9 ترلن تەڭگەگە جەتەدى دەپ بولجانىپ وتىر. بۇل قارجى الەۋمەتتىك تولەمدەردى يندەكستەۋگە, بالا كۇتىمىنىڭ اقىلى كەزەڭىن 1,5 جاسقا دەيىن ۇلعايتۋعا, ستيپەنديالاردى ارتتىرۋعا, ازاماتتىق قىزمەتشىلەر مەن پەداگوگتەرگە ەڭبەكاقى تولەۋگە باعىتتالادى.
سونىمەن قاتار سەناتورلارعا ەكونوميكانىڭ ناقتى سەكتورىن دامىتۋدى قولداۋعا 2024 جىلعا 2,9 ترلن تەڭگە قاراستىرىلعانى تۋرالى ايتىلدى. ولار وڭدەۋ ونەركاسىبىن دامىتۋعا, وڭىرلەردە جالعاسىپ جاتقان ينفراقۇرىلىمدىق جوبالاردى ىسكە اسىرۋعا, كاسىپكەرلىكتى دامىتۋعا جانە قولداۋعا جانە ت.ب. سالالارعا باعىتتالماق.
سەناتورلاردىڭ ايتۋىنشا, قاراستىرىلىپ وتىرعان زاڭدار رەسپۋبليكالىق بيۋدجەتتىڭ تەڭگەرىمدىلىگىن قامتاماسىز ەتۋگە جانە ۇلتتىق قوردىڭ تۇراقتاندىرۋ فۋنكتسياسىن جۇزەگە اسىرۋعا مۇمكىندىك بەرەدى.