تۇركىستان وبلىسىندا جەرگىلىكتى تۇرعىننىڭ تولەنبەگەن ايىپپۇل سوماسى 6 ميلليون تەڭگەدەن اسىپ كەتكەن, دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«قورعاۋ – قاۋىپتى جۇرگىزۋشى» اۆتوماتتاندىرىلعان جۇيەسىنەن تۇركىستان وبلىستىق پوليتسيا دەپارتامەنتى جەدەل باسقارۋ ورتالىعىنا حابارلاما تۇسەدى. انىقتالعان مالىمەت بويىنشا الماتى – تاشكەنت – تەرمەز تاسجولىندا 6 ميلليون 200 مىڭ تەڭگەدەن استام ايىپپۇل قارىزى بار جۇرگىزۋشىنىڭ كولىگىمەن كەتىپ بارا جاتقاندىعى تۋرالى حابارلاما تۇسكەن. وسى اقپارات بويىنشا تۇركىستان وبلىسىنىڭ پاترۋلدىك پوليتسيا باتالونىنىڭ قىزمەتكەرلەرى جۇرگىزۋشىنى توقتاتىپ, اۆتوكولىكتى ايىپ تۇراعىنا جەتكىزدى.