فۋتبولدان كەلەر جىلى وتەتىن ەۋروپا چەمپيوناتىنا ىرىكتەۋ اياسىنداعى سوڭعى ەكى تۋر ويىنىن «Qazaqstan» ۇلتتىق ارناسى مەن «Qazsport» تەلەارناسى تىكەلەي ەفيردەن كورسەتەدى, دەپ حابارلايدى Egemen.kz.
ماگومەد اديەۆ باپتايتىن ۇلتتىق قۇرامامىزدىڭ ويىنشىلارى 17 قاراشا كۇنى «استانا ارەنا» ستاديونىندا سان-مارينو فۋتبولشىلارىنا قارسى تارتىسقا تۇسەدى. ماڭىزدى ماچتى «Qazaqstan» مەن «Qazsport» تەلەارنالارى 20:50-دەن باستاپ تىكەلەي ەفيردەن كورسەتەدى.
20 قاراشا كۇنى سىرت الاڭدا سلوۆەنيا قۇراماسىنا قارسى ماتچتى دا كورەرمەندەر 01:45-تەن باستاپ «Qazaqstan» مەن «Qazsport» تەلەارنالارىنان تىكەلەي ەفيردە تاماشالاي الادى.