الماتىدا وتكەن WKF كاراتەدەن جاسوسپىرىمدەر مەن جاستار اراسىنداعى XXI ازيا چەمپيوناتىندا ەلىمىزدىڭ سپورتشىلارى 8 التىن, 5 كۇمىس, 11 قولا مەدال ولجالادى, دەپ حابارلايدى Egemen.kz تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
ازيا قۇرلىعىنىڭ 30-عا تارتا ەلىنەن جينالعان 600 سپورتشى ايقاسقا ءتۇستى. جالپىكوماندالىق ەسەپتە جاپونيا كاراتەشىلەرى 14 التىن, 5 كۇمىس, 4 قولا مەدالمەن كوش باستاسا, قازاقستان سپورتشىلارى ەكىنشى ساتىعا ورنىقتى. ۇشتىككە يران قۇراماسى ء ىلىنىپ, 5 التىن, 6 كۇمىس, 11 قولا جۇلدەنى ەنشىلەدى.
سوڭعى جىلدارى سپورتتىڭ وسى ءتۇرى ەلىمىزدە وركەن جايىپ, قارقىندى دامىپ كەلەدى. قازان ايىندا كاراتەدەن ەرەسەكتەر اراسىنداعى الەم چەمپيوناتى ماجارستاندا ءوتتى. دۇنيەجۇزىلىك دودادا ءمولدىر جاڭبىرباي (50 كەلى) قازاق سپورتىنىڭ تاريحىندا وسى سپورت تۇرىنەن تۇڭعىش الەم چەمپيونى اتانىپ, ءانۇرانىمىزدى شىرقاتقان بولاتىن.