جىل سايىن ەل كولەمىندە ەسىرتكى بيزنەسىنە توسقاۋىل قويىپ, قۇرامىندا ەسىرتكىسى بار وسىمدىكتەردى ءوسىرىپ, باپتاۋدىڭ الدىن الۋعا, ونى تاراتۋمەن اينالىساتىن ۇيىمداسقان قىلمىستىق توپتاردىڭ جولىن كەسۋگە ارنالعان ءىس-شارا وتكىزىلەدى. قىزىلوردا پوليتسەيلەرى بيىل دا 1 ماۋسىم مەن 31 قازان ارالىعىندا وتكەن «قاراسورا-2023» جەدەل الدىن الۋ ءىس-شاراسىن قورىتىندىلادى.
وسى كەزەڭدە وبلىستىق پوليتسيا دەپارتامەنتىنىڭ قىزمەتكەرلەرى 163 قۇقىق بۇزۋشىلىق دەرەگىن انىقتاپ, زاڭسىز اينالىمنان 2 توننا 284 كگ-دان استام ەسىرتكى زاتىن تاركىلەگەن.
دالالىق ايماقتاردان 22 ءىرى القاپ تابىلىپ, ءۇي, باۋ-باقشا, ساياجاي اۋلالارىنان قاراسورا ەككەن 40 دەرەك انىقتالعان. ەسىرتكى وسىرۋمەن اينالىسقان 61 ادام ۇستالىپ, ونىڭ 24-ءى قاماققا الىندى.
ءىس-شارانى قورىتىندىلاعان پوليتسەيلەردىڭ ەسەبىنشە, 10 تونناعا جۋىق ساپاسى جوعارى ماريحۋانانىڭ زاڭسىز اينالىمعا ءتۇسۋىنىڭ جولى كەسىلگەن. ماۋسىم ايىنان باستاپ تىنىم كورمەگەن پوليتسەيلەر ادام اياعى جەتە بەرمەيتىن قۇم قويناۋلارىن 42 مارتە اۋەدەن شولىپ شىقتى.
قىزىلوردا قالاسىنا كىرەبەرىس جولداردا قۇرىلعان جىلجىمالى ءموبيلدى بەكەتتەردە اۆتوكولىكتەردى قىزمەتتىك ىزدەستىرۋ يتتەرىنىڭ كومەگىمەن تەكسەرۋ بارىسىندا ەسىرتكى تاسىمالداۋدىڭ 27 دەرەگى انىقتالدى. ونىڭ ىشىندە قىزىلورداعا ورال, اقتوبە, اتىراۋ قالالارىنان اسا ءىرى مولشەردە ەسىرتكى جەتكىزبەكشى بولعاندارعا توسقاۋىل قويىلدى.
قىزىلوردا