الەۋمەتتىك جەلىدە جولدا جاتقان كىلەم بەينەلەنگەن فوتوسۋرەت تاراپ ءجۇر. انىقتالعانداي, الماتى تۇرعىندارى جولداعى شۇڭقىردى كىلەممەن جاۋىپ, ماسەلەنى ءوز بەتىنشە شەشپەك بولعان, دەپ حابارلايدى Egemen.kz.
قالا اكىمدىگىنىڭ ءباسپاسوز قىزمەتى ايبەرگەنوۆ كوشەسىندەگى شۇڭقىرعا قاتىستى شاعىم 31 قازاندا تۇسكەنىن ايتتى.
ال بۇل كىلەمدى جەرگىلىكتى تۇرعىندار توسەپ قويعان ەكەن.
«1 قاراشادا اعىمداعى جوندەۋ جۇمىستارى اياسىندا تۇرعىنداردىڭ ءوتىنىشى قارالدى. دالىرەك ايتقاندا, اسفالت جابىندىسىن توسەۋ جۇمىستارى جۇرگىزىلدى», دەلىنگەن الماتى اكىمدىگى تاراتقان حابارلامادا.
اكىمدىك وكىلدەرى ناۋرىزباي اۋدانىنا قاتىستى ارىز-شاعىمداردى اكىمدىكتىڭ Instagram-داعى پاراقشاسىنا جازۋعا (@akimat_nauryzbai_audany) نەمەسە +7 700 308 7020 نومىرىنە قوڭىراۋ شالۋعا بولاتىنىن قوسا حابارلادى.