تاريحتان – تابارىك

0 جىلى 25 قازاندا قابىل­دانعان ەگەمەندىك دەكلارا­تسياسىنىڭ كوشىرمەسى, 1993 جىلعى العاشقى اتا زاڭىمىز, قازاقستاننىڭ گەوگرافيالىق كارتاسى, مەملەكەتتىك تۋىمىز, ەلتاڭبامىز, سونداي-اق, تاۋەل­سىزدىگىمىزدى ءبىرىنشى بولىپ تانىپ, مويىنداعان باۋىرلاس تۇركيا ەلىنىڭ مەملەكەتتىك نىشاندارى قويىلعان.

بيىل اينالىمعا ەنگەنىنە 30 جىل تولىپ وتىرعان ءتول تەڭگەمىزدىڭ تاريحى دا كورمە تورىنەن ورىن الىپ وتىر.

ء«تول تەڭگەمىزگە العاش قول قويعان جەرلەسىمىز, بەلگىلى ەكونوميست-عالىم, قازاقستان ۇلتتىق بانكىنىڭ تۇڭعىش تور­اعاسى عالىم باينازاروۆ اعا­مىز كەزىندە ءوز قولىمەن اكەلىپ مۋزەيگە تارتۋ ەتىپ كەتكەن ۇلتتىق ۆاليۋتا ۇلگىلەرى مەن التىن قالامى دا وسى كور­مەنىڭ اياسىندا كوپشىلىك نازا­رىنا ۇسىنىلىپ وتىر. سونىمەن بىرگە ءبىزدىڭ ەكسپوزيتسيادا قازاقستان قارۋلى كۇشتەرى, ەلىمىز مۇشەلىككە ەنگەن حالىقارالىق ۇيىمدار تۋرالى مالىمەتتەر بار», دەيدى مۋزەي كەشەنىنىڭ باسشىسى.

كورمەدە, سونىمەن قاتار, ەل­وردامىز – استانا قالاسىنىڭ قۇرىلىس-ساۋلەت تاريحى تۋرالى فوتودەرەكتەر, مەملەكەت باسشىسى قاسىم-جومارت توقاەۆتىڭ رەسپۋبليكا كۇنىنە ۇلتتىق مەرەكە مارتەبەسىن قاي­تارۋ تۋرالى جارلىعىنىڭ كوشىرمەسى, الاش ارداقتىلارى ءاليحان, احمەت, مىرجاقىپ اتالارىمىزدىڭ پورترەتتەرى, «قاسيەتتى قازاقستان» ەنتسي­كلوپەديالىق جيناعىنىڭ ءتورت تومى ايشىق تاپقان.

تورعاي مۇراجايلار كە­شەنىنىڭ ديرەكتورى گۇل­با­نۋ سارسەكەيدىڭ ايتۋىنشا, قوس­تاناي وبلىسىنىڭ كيە­لى نىساندارى «قاسيەتتى قا­زاقستان» كوپتومدىق جي­نا­عىنىڭ ءۇشىنشى تومىنا ەنگەن. مۇندا جانگەلدين اۋدانىندا ورنالاسقان 7 كيەلى نىسان, سونىڭ ىشىندە الاش قايراتكەرى مىرجاقىپ دۋلات ۇلىنىڭ كە­سەنەسى دە بار.

اتالعان كورمە جىل سوڭىنا دەيىن جۇمىس ىستەيتىن بولادى. وعان دەيىن مۋزەي ۇجىمى اۋداندىق ءبىلىم بولىمىمەن بىرلەسىپ, مەكتەپ وقۋشىلارىنا ارنالعان تاربيەلىك-تانىمدىق ساباقتار وتكىزۋدى جوسپارلاپ وتىر.

قوستاناي وبلىسى