دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيەسۋس قاراعاندى وبلىسىنداعى شاحتادا بولعان اپات سالدارىنان قازا تاپقان كەنشىلەردىڭ وتباسىلارىنا كوڭىل ايتتى, دەپ حابارلايدى Egemen.kz.
«بۇگىن قازاقستان حالقى ءۇشىن وتە قايعىلى كۇن. جاقىندارىنان ايىرىلعان وتباسىلارعا شىن جۇرەكتەن كوڭىل ايتامىن», دەپ جازدى ددۇ باسشىسى X (Twitter) جەلىسىندە.
ەسكە سالا كەتسەك, 28 قازاندا قاراعاندى وبلىسىنداعى «ارسەلورميتتال تەمىرتاۋ» كومپانياسىنا تيەسىلى كوستەنكو شاحتاسىندا جارىلىس بولدى. اپات كەزىندە شاحتادا 252 ادام بولعان, 205 كەنشى جەر بەتىنە شىعارىلدى. سوڭعى دەرەكتەرگە سايكەس, قازا تاپقاندار سانى 36 ادامعا جەتتى.