پرەزيدەنت قاسىم-جومارت توقاەۆتىڭ جارلىعىمەن قازاقستان ۇلتتىق قۇراماسىنىڭ ويىنشىسى اسحات تاعىبەرگەن «ەرەن ەڭبەگى ءۇشىن» مەدالىمەن ماراپاتتالدى, دەپ حابارلايدى Egemen.kz.
«فۋتبولدان قازاقستان ۇلتتىق قۇراماسىنىڭ ويىنشىلارى اسحات تاعىبەرگەن, باحتيور زاينۋتدينوۆ جانە ماكسيم سامورودوۆ «ەرەن ەڭبەگى ءۇشىن» مەدالىنە لايىق دەپ تانىلدى», دەپ جازىلعان حابارلامادا.
بۇعان دەيىن پرەزيدەنت قاسىم-جومارت توقاەۆتىڭ جارلىعىمەن ەلىمىزدىڭ الەۋمەتتىك-ەكونوميكالىق, مادەني-رۋحاني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى مەن بەلسەندى قوعامدىق قىزمەتى ءۇشىن ماراپاتتالعان ازاماتتاردىڭ ءتىزىمىن جاريالاعان ەدىك.