سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتىپ, دەپۋتاتتار 19 قازان كۇنى بولاتىن سەنات وتىرىسىنىڭ كۇن ءتارتىبىن بەكىتتى.
سوعان سايكەس سەناتتىڭ الداعى وتىرىسىندا دەپۋتاتتار «ەۋرازيالىق قايتا ساقتاندىرۋ كومپانياسىن قۇرۋ تۋرالى كەلىسىمدى راتيفيكاتسيالاۋ تۋرالى» زاڭدى قارايدى. ەۋرازيالىق ەكونوميكالىق وداققا مۇشە مەملەكەتتەر قول قويعان زاڭ ەكونوميكالىق وسۋگە, ءوزارا جانە سىرتقى ساۋدا-ەكونوميكالىق بايلانىستاردى كەڭەيتۋگە ىقپال ەتۋگە ارنالعان.
كەلىسىمدى قابىلداۋ ەاەو-عا مۇشە مەملەكەتتەردىڭ قارجى ۇيىمدارىنا ءوزارا حالىقارالىق ساۋدا جانە ينۆەستيتسيالىق قىزمەتتى قولداۋعا, سونداي-اق بىرلەسكەن بيزنەس-جوبالاردىڭ ءۇشىنشى ەلدەردىڭ نارىقتارىنا شىعۋىنا بەلسەندى قاتىسۋعا مۇمكىندىك بەرەدى.