ەلگە كەلگەن شەتەل ازاماتتارى ءبىزدىڭ تولەم جۇيەمىزگە, كارتانى 45 سەكۋندتىڭ ىشىندە شىعارۋعا بولاتىنىنا تاڭعالىپ جاتادى. شىن مانىندە, ەلىمىز تسيفرلاندىرۋ بويىنشا الەمدە ەڭ الدىڭعى قاتاردا دەپ ايتار ەدىم.
ويتكەنى ءموبيلدى قوسىمشادا قۇجاتتاردى تسيفرلىق فورماتتا الۋعا بولادى. كولىكتى, بيزنەستى تولىعىمەن ونلاين رەجىمدە تىركەۋگە مۇمكىندىك بار. سالىقتى دا ونلاين تولەيمىز. مۇنىڭ ءبارى بىرنەشە جىل ىشىندە جاسالدى. سەبەبى مەملەكەت تاراپىنان قاراپايىم ازاماتتارعا قىزمەتتەردى بارىنشا قولجەتىمدى ەتۋگە دەگەن ۇمتىلىس بولدى. الەمنىڭ ەش جەرىندە مۇنداي مۇمكىندىك جوق. كەرىسىنشە, باسقا ەلگە بارا جاتقان ءبىزدىڭ سۇيىكتى تۇتىنۋشىلارىمىز: «وزگە دە ەلدەرگە قازاقستانداعىداي مۇمكىندىكتى قولجەتىمدى ەتۋ كەرەك. مۇمكىن سىزدەرگە الەمدىك نارىققا شىعۋ كەرەك شىعار. ايتپەسە ءبىز وتكەن عاسىرعا كەتىپ قالعانداي اسەردە بولامىز», دەپ جاتادى. ەگەر وسىنداي سالىستىرۋلار تۋرالى ويلاناتىن بولساق, ءبىزدىڭ العان باعىتىمىز وتە دۇرىس.
تسيفرلاندىرۋ سالاسىندا كوپتەگەن جەتىستىگىمىز بولسا دا, وكىنىشكە قاراي, الەم ەلدەرى ول تۋرالى بىلە بەرمەيدى. سوندىقتان ءبىز رەيتينگتەردە ءبىرىنشى ورىن العىمىز كەلسە, Kaspi, Freedom سەكىلدى كومپانيالاردى قاتىستىرا وتىرىپ, مەملەكەت تاراپىنان جۇمىس توبىن قۇرۋدى ۇسىنار ەدىم. الەمدىك رەيتينگتەردىڭ ءتىزىمىن جاسايتىن ۇيىمدارعا ءوزىمىز تۋرالى اقپارات بەرەيىك. ءبىزدى الەم ءبىلۋى, تانۋى كەرەك.
ميحايل لومتادزە,
Kaspi كومپانياسىنىڭ ديرەكتورى