سىر بويىندا ەگىن ناۋقانى اياقتالۋعا جاقىن قالدى. بۇگىنگە دەيىن ەگىلگەن 89 مىڭ گەكتار كۇرىشتىڭ 63 مىڭ گەكتارى ورىلىپ, ونىڭ 53,4 مىڭ گەكتارى باستىرىلدى. وسى كۇنگە دەيىن 285,3 مىڭ توننا سىر مارجانى جينالدى. گەكتارىنا ورتاشا 53,4 تسەنتنەردەن كەلىپ وتىر. ماڭىزدى ناۋقان ۇزاعاندا اپتا كولەمىندە اياقتالىپ قالادى.
ناۋقان الدىندا شارۋاشىلىقتار ەسەبىنەن 4 239 تەحنيكا ەگىن جيناۋ مەن دالا جۇمىستارىنا دايىندالدى. وبلىسقا كۇزگى ەگىن جيناۋ جۇمىستارىنا 9,1 مىڭ توننا, جەمشوپ قورىن جاساقتاۋعا قوسىمشا 1,5 مىڭ توننا ارزانداتىلعان ديزەل وتىنى ءبولىنىپتى.
بيىل وبلىستا اۋىل شارۋاشىلىعى داقىلدارى ەگىلگەن القاپ بىلتىرعىمەن سالىستىرعاندا 4,8 مىڭ گەكتارعا ۇلعايىپ وتىر. اسىرەسە ەگىستى ارتاراپتاندىرۋعا ءمان بەرگەن شارۋالار داندىك جۇگەرىنى – 1,2 مىڭ, سۇرلەمدىك جۇگەرىنى – 1,4 مىڭ, كۇنباعىستى – 179, سويانى – 64, قانت قۇمايىن 195 گەكتارعا ەككەن. بەس گەكتار اۋماققا قانت قىزىلشاسىن سەپكەندەر دە بار. بۇل داقىلداردىڭ بارلىعى قازىر تولىق جينالىپ بولدى.
ديقاندار ەككەن كارتوپتىڭ 92,1%, كوكونىستىڭ 97,8%, ال باقشانىڭ 94,2% جينالىپ, قامباعا ءتۇستى.
قىزىلوردا