جانكۇيەرلەر ازيا ويىندارىنىڭ جەڭىمپازدارى مەن جۇلدەگەرلەرىن استانا اۋەجايىندا ءسان-سالتاناتپەن كۇتىپ الدى, دەپ حابارلايدى Egemen.kz.
23 قىركۇيەك - 8 قازان ارالىعىندا قىتايدىڭ حانچجوۋ قالاسىندا XIX جازعى ازيا ويىندارى ءوتتى. جارىستا قازاقستان قۇراماسىنا 80 مەدال بۇيىردى. ەلوردا اكىمدىگىنىڭ مالىمەتىنشە, ولجالى قايتقان سپورتشىلاردىڭ اراسىندا استانالىقتار دا بار.
«جارىسقا استانالىق قۇراما كوماندانىڭ 5 سپورتشىسى دجيۋ-دجيتسۋ جانە شاحمات سپورت تۇرلەرىنەن سىنعا ءتۇستى. كوماندانىڭ قورجىنىندا 1 التىن, 1 كۇمىس جانە شاحماتتان قىزدار قۇراماسى كوماندالىق قولا جۇلدەگە يە بولدى. ازيا ويىندارىندا دجيۋ-دجيتسۋ سپورت تۇرىنەن سىنعا ءتۇسىپ, چەمپيون اتانعان استانالىق سپورتشى نۇرجان باتىربەكوۆ ەل قورجىنىنا 10 التىننىڭ بىرەۋىن الىپ كەلدى. سول سياقتى جەرلەسىمىز گالينا دۋۆانوۆا كۇمىس جۇلدەگە يە بولدى», دەلىنگەن استانا قالاسى اكىمدىگىنىڭ مالىمەتىندە.