كەشە اقش-تىڭ نەۆادا شتاتىنداعى لاس-ۆەگاس قالاسىندا كاسىپقوي بوكس كەشى ءوتتى. سول باسەكەدە ەكى وتانداسىمىز كاسىبي شارشى الاڭداعى كەزەكتى جەكپە-جەكتەرىن وتكىزدى.
مەكسيكالىق ساۋل «كانەلو» الۆارەس پەن امەريكالىق دجەرمەلل چارلو اراسىنداعى كەزدەسۋدىڭ اندەركاردىندا ونەر كورسەتكەن بەك نۇرماعانبەت نيگەريالىق بوكسشى ابيمبولا وسۋندايرومەن جۇدىرىقتاسىپ, مەرزىمىنەن بۇرىن جەڭىسكە جەتتى. التى راۋندقا جوسپارلانعان ايقاستا وتانداسىمىز قارسىلاسىن ءۇشىنشى راۋندتا نوكاۋتپەن تىزە بۇكتىردى. وسىلايشا, ا.وسۋندايرو كارەراسىنداعى العاشقى جەڭىلىسىنە ۇشىرادى. ال ب.نۇرماعانبەت جەڭىستى جولىن جالعاپ, جەڭىستەر سانىن 11-گە جەتكىزدى.
سونىمەن قاتار وسى كەشتە جۇدىرىقتاسقان تاعى ءبىر وتانداسىمىز ءابىلحان امانقۇل امەريكالىق دجوشون دجەيمسپەن تورەشىلەردىڭ شەشىمى بويىنشا تەڭ ءتۇستى. ال بوكس كەشىنىڭ باستى جەكپە-جەگىندەگى ساۋل «كانەلو» الۆارەس پەن دجەرمەلل چارلو اراسىنداعى ايقاس العاشقىسىنىڭ ايقىن باسىمدىعىمەن اياقتالدى. ءسويتىپ, «كانەلو» وزىنە تيەسىلى بەلدىكتى كەزەكتى رەت ءساتتى قورعادى.