مەملەكەتتىك كەڭەسشى ەرلان قاريننىڭ توراعالىعىمەن ءال-فارابي اتىنداعى عىلىم مەن تەحنيكا جانە ا.بايتۇرسىن ۇلى اتىنداعى گۋمانيتارلىق عىلىمدار سالاسىندا 2023 جىلعى قازاقستان رەسپۋبليكاسىنىڭ مەملەكەتتىك سىيلىقتارىن بەرۋ جونىندەگى كوميسسيانىڭ قورىتىندى وتىرىسى ءوتتى.
مەملەكەتتىك سىيلىقتاردى الۋعا بارلىعى 13 جۇمىس ۇسىنىلدى. الدىن الا ىرىكتەۋدەن كەيىن ەكىنشى كەزەڭگە 8 جۇمىس ءوتتى. جۇمىستاردى قاراۋ جانە مەملەكەتتىك عىلىمي-تەحنيكالىق ساراپتامانىڭ قورىتىندىلارىن تىڭداۋ ناتيجەسى بويىنشا كوميسسيا ءتيىستى ۇسىنىمداردى ازىرلەدى.
اتالعان سىيلىقتار عىلىم مەن تەحنيكا سالاسى قايراتكەرلەرىنىڭ ەڭبەگىن جوعارى دەڭگەيدە تانۋ بولىپ تابىلادى جانە ءبىلىمنىڭ جاڭا سالالارىن, ءبىلىمنىڭ ءبىر سالاسىندا جاڭا باعىتتى اشقان عىلىمي جاڭالىقتار, مونوگرافيالار مەن عىلىمي جۇمىستار, تەحنيكانىڭ, ماتەريالدار مەن تەحنولوگيالاردىڭ جاڭا تۇرلەرىن ءوندىرۋدى ازىرلەۋ جانە ۇيىمداستىرۋ, سونداي-اق عىلىمي, عىلىمي-تەحنيكالىق جانە يننوۆاتسيالىق قىزمەتتىڭ باسىم الەۋمەتتىك-ەكونوميكالىق مىندەتتەردى شەشۋدى جانە مەملەكەتتىڭ باسەكەگە قابىلەتتىلىگىن ارتتىرۋدى قامتاماسىز ەتەتىن ناتيجەلەر ءۇشىن بەرىلەدى.