عىلىمدى دامىتۋ باعىتتارى

وتىرىستى اشقان ۇكىمەت باسشىسى كۇنى كەشە عانا دۇنيەجۇزىلىك زياتكەرلىك مەنشىك ۇيىمى 2023 جىلعا ارنالعان جاھاندىق يننوۆاتسيالىق يندەكس جاريالانعانىن اتاپ ءوتتى. ول عىلىمعا, ءبىلىم بەرۋ جۇيەسىنە جانە ينفراقۇرىلىمعا قاتىستى 80-گە جۋىق كورسەت­كىشتى قامتيدى.

«قازاقستان ءۇندىستان مەن يران­نان كەيىن ورتالىق جانە وڭتۇس­تىك ازيا ايماعى بويىنشا ۇزدىك 3 يننو­ۆاتسيالىق ەكونوميكانىڭ قاتارى­نا ەندى. تسيفرلىق دامۋ, عىلىم جانە جوعارى ءبىلىم مينيسترلىكتەرى ەلى­مىزدىڭ حالىقارالىق ارەناداعى پو­زي­­تسيالارىن جاقسارتۋ ءۇشىن عا­لىم­­­دارعا قاجەتتى جاعداي جاساۋ جانە ينفرا­قۇرىلىمدى دامىتۋ جۇمىس­تارىن جالعاستىرۋى كەرەك», دەدى ءا.سمايىلوۆ.

سالا باسشىسى ساياسات نۇربەك حا­لىقارالىق تاجىريبەنى, اتاپ ايت­قاندا, ەۋروپا وداعى ەلدەرى, كانادا, اۋستراليا, مالايزيا, يسپا­نيا جانە باسقا دا مەملەكەتتەردى, سونداي-اق مەم­لەكەت باسشىسىنىڭ حالىق­قا جول­داۋىندا جانە باسقا دا باع­دار­لاما­لىق قۇجاتتاردا بەلگى­لەنگەن سترا­­تەگيالىق مىندەتتەردى ەسكەرە وتى­­رىپ, الداعى جىلدارعا ارنال­عان عى­لىم­دى دامىتۋدىڭ التى باسىم باعىتى ازىرلەنگەنىن ايتتى. ۇلت­تىق قاۋىپ­سىزدىكتى قامتاماسىز ەتۋ با­عى­تى جەكە قاراستىرىلاتىن بولادى.

بۇل تىزىمگە «ەكولوگيا, قورشاعان ورتا جانە تابيعاتتى ۇتىمدى پايدالانۋ», «ەنەرگيا, وزىق ماتەريالدار جانە كولىك», «وزىق ءون­دىرىس, تسيفرلىق جانە عارىشتىق تەحنولوگيالار», «ەلدىڭ زياتكەرلىك الەۋەتى», ء«ومىر جانە دەنساۋلىق تۋرالى عىلىم» جانە «اگروونەركاسىپ كەشەنىن تۇراقتى دامىتۋ» باعىتتارى ەندى. ءوز كەزەگىندە باعىتتاردىڭ ارقايسىسى 8-دەن 18-گە دەيىنگى بولىكتەردەن تۇرادى.

جالپى, بەلگىلەنگەن باسىمدىقتار شەڭ­بەرىندە سۋ رەسۋرستارىن ۇتىمدى پاي­دالانۋ, توپىراق ساپاسىن ساق­تاۋ, ەنەرگەتيكالىق قاۋىپسىزدىكتى (سو­نىڭ ىشىندە جىلۋ ەنەرگياسىن) قامتا­ماسىز ەتۋ, پارنيكتىك گازدار شى­عا­رىندىلارىن ازايتۋ جانە جاڭار­تى­لاتىن كوزدەردى دامىتۋ ماسە­لەلەرىنە نازار اۋدارىلادى.

تالقىلاۋ جانە داۋىس بەرۋ ناتي­جەلەرى بو­يىنشا جوعارى عىلى­مي-تەحنيكالىق كوميسسيا اتالعان تاسىلدەردى ماقۇلدادى.

سونىمەن قاتار جيىندا عىلىمي-تەح­نيكالىق مىندەتتەردى جۇزەگە اسىرۋ ماسە­لەلەرى قارالدى.