قر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا اعىمداعى جىلدىڭ 11-15 قىركۇيەك ارالىعىندا قاراعاندى وبلىسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارىنىڭ قاتىسۋىمەن ءدىني ەكسترەميزمنىڭ تارالۋىن الدىن الۋعا باعىتتالعان سەمينارلار جانە ءارتۇرلى فورماتتاعى ءىس-شارالاردى ۇيىمداستىرۋ شەڭبەرىندە ءوڭىر تۇرعىندارىمەن بىرقاتار كەزدەسۋلەر وتكىزىلدى, دەپ حابارلايدى Egemen.kz.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – شاكيموۆا ل.س., تۇراپباي م.ن., ورازباەۆا گ.ك., كەنجەەۆ ا.ا. تارتىلدى.
راتت مۇشەلەرىنىڭ قاتىسۋىمەن بالحاش, قاراعاندى, اباي, شاحتينسك, تەمىرتاۋ قالالارى, اباي, قارقارالى, بۇقار جىراۋ اۋداندارى, قاراباس, ۇشتوبە اۋىلدارى, قاراعايلى كەنتىنىڭ كوللەدج جانە ۋنيۆەرسيتەت ستۋدەنتتەرى, وڭىرلەردەگى پوليتسيا ءبولىمى, ەمحانا, مادەنيەت ۇيلەرى مەن كىتاپحاناقىزمەتكەرلەرى, تۇزەتۋ مەكەمەلەرىندەگى جازاسىن وتەۋشىلەر جانە ت.ب قاتىسۋشىلار اراسىنداسەمينارلار جانە كەزدەسۋلەر ءوتتى.
وتكىزىلگەن ءىس-شارالاردا وڭىرلەردىڭ تۇرعىندارىنا قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعاندىن سالاسىنداعى مەملەكەتتىك ساياساتتىڭ ءمانى تۋرالى اقپاراتتار بەرىلدى.
تىڭداۋشىلار تاراپىنان دا راتت مۇشەلەرىنە بىرقاتار سۇراقتار قويىلىپ, تۇجىرىمدى جاۋاپتار الىندى.