مەملەكەت باسشىسى موڭعوليا پرەزيدەنتى ۋحنااگين حۋرەلسۋحپەن كەلىسسوز جۇرگىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قاسىم-جومارت توقاەۆ قازاقستان مەن موڭعوليا اراسىنداعى تىعىز ءارى ءداستۇرلى دوستىق قارىم-قاتىناستى اتاپ ءوتتى. پرەزيدەنت ەكىجاقتى بايلانىستاردى ستراتەگيالىق سەرىكتەستىك دەڭگەيىنە دەيىن كەڭەيتۋ مۇمكىندىگىنە نازار اۋداردى. مەملەكەت باسشىسى ساۋدا-ەكونوميكالىق ىقپالداستىققا تىڭ سەرپىن بەرۋ ءۇشىن ۇكىمەتارالىق كوميسسيانىڭ جۇمىسىن جانداندىرىپ, قازاقستان مەن موڭعوليانىڭ ىسكەرلىك كەڭەسىن قۇرۋ قاجەت ەكەنىن ايتتى», دەلىنگەن اقپاراتتا.
ەكى ەلدىڭ پرەزيدەنتتەرى كەزدەسۋ بارىسىندا ءبىر-ءبىرىنىڭ ەلىنە ساپارمەن بارۋ مۇمكىندىگىن تالقىلادى.