«Kieli tabigat» بىرىڭعاي رەسپۋبليكالىق ەكولوگيالىق اكتسياسىنا جۇدىرىقتاي جۇمىلا قاتىسقان ۇيعىر اۋدانىنىڭ جاستارى كيەلى ولكە شارىن شاتقالىنا تازارتۋ جۇمىستارىن جۇرگىزدى. ءىس-شاراعا «شارىن» ۇلتتىق پاركىنىڭ قىزمەتكەرلەرى مەن ۆولونتەرلەر قاتىستى.
«اكتسيانىڭ ماقساتى – قوعامنىڭ كوزقاراسىن وزگەرتۋ, تابيعاتتى ايالاۋ, جاستارعا قورشاعان ورتانى قورعاۋ جانە ونى لاستاماۋ مادەنيەتىن قالىپتاستىرۋ», دەگەن اۋداندىق جاستار رەسۋرستىق ورتالىعىنىڭ جەتەكشىسى جانىبەك ايقوجاەۆ كوزگە وعاش قوقىستىڭ جوقتىعىن, سوندىقتان جەر تۇبىنەن كەلەتىن تۋريستەر ءۇشىن ۇيالماۋعا بولاتىندىعىن اتاپ ءوتتى.
«مۇنداي يگى ءىس-شارا كىسى قاراسى كوپ بازارلار مەن ويىن الاڭدارى, قوعامدىق ورىنداردا ءجيى وتكىزىلىپ تۇرسا, ءار ادامنىڭ قورشاعان ورتانى قادىرلەپ, تازالىق ساقتاۋىنا تۇرتكى بولادى», دەيدى ورتالىق جەتەكشىسى.
رەسپۋبليكالىق اكتسيا اياسىندا باستالعان اۋماقتاردى تازارتۋ سەنبىلىگى ءوڭىردىڭ بارلىق اۋدانىندا جوعارى دەڭگەيدە ۇيىمداستىرىلىپ, ءوڭىر جاستارى بەلسەندىلىك تانىتتى.
ەكولوگيالىق اكتسياعا الماتى وبلىسى جانە شارىن شاتقالى بويىنشا 3144 ادام قاتىستى. ونىڭ ىشىندە مىڭعا جۋىعى مەملەكەتتىك قىزمەتكەر بولسا, 1166 ۆولونتار مەن 1130-ى – ەلدى مەكەن تۇرعىنى. ءبىر كۇن ىشىندە ەكواكتسيا كەزىندە 1039 توننا قوقىس جينالىپ, شىعارىلدى.
الماتى وبلىسى