«استانا بالەتتىڭ» جاڭا ماۋسىمى

كەشتىڭ ەكىنشى بولىمىندە تەاتر­دىڭ باس بالەتمەيستەرى مۋ­­كارام ءاۆاحريدىڭ ەلىمىزدىڭ تانىمال كومپوزيتورى كارينا ابدۋللينانىڭ مۋزىكاسى مەن ليبرەتتوسىنا قوي­عان اۆتورلىق «تاعدىر بۇلتا­رىس­تارى» بالەتى ۇسىنىلادى.

– XI تەاتر ماۋسىمىنىڭ اشىلۋ سالتاناتىنا ساناۋلى كۇن قالدى. تەاتردا قىزۋ دايىندىق ءجۇرىپ جاتىر. رولدەرگە جاڭا ارتىستەر قوسىلىپ, پرەمەرالىق جانە كورەرمەن كوزايىمىنا اينالعان سپەكتاكلدەرمەن جۇ­مىس اتقارىپ وتىرمىز. جاڭا ماۋ­سىمنىڭ اشىلۋ سالتانا­تى ءبىز ءۇشىن وتە جاۋاپتى ءسات. سۇيىك­تى كورەرمەنىمىزبەن قاۋى­شار كۇندى اسىعا كۇتىپ وتىر­عان جايىمىز بار, دەپ اتاپ ءوتتى تەاتر­دىڭ كوركەمدىك جەتەكشىسى نۇر­لان كانەتوۆ.

«استانا بالەت» تەاترىنىڭ قىر­كۇيەك ايىندا كورەرمەنىنە ۇسىنار تارتۋى ەرەك. سان الۋان سۇلۋ­لىقتىڭ باسىن ءبىر ساحنادا توعىستىرعان عاجايىپ مەكەن 22 قىركۇيەكتە وتكەن ماۋسىمنىڭ ۇزدىك پرەمەرالارى – اينۇر ابىلعازينانىڭ گۋستاۆ مالەر مۋزىكاسىنا قويعان, «استانا بالەت» تەاترى سيمفونيالىق ور­كەس­ترىنىڭ سۇيەمەلدەۋىمەن وتە­تىن «Soli Deo Gloria» جانە ليزا دجەر­رارد­تىڭ مۋزىكاسىنا ولجاس ماحان­بەتاليەۆ قويعان «Nine» ءبىر اكتىلى بالەتتەرىن ۇسىنادى.

ال 29 جانە 30 قىركۇيەك كۇندەرى قازاقستاننىڭ ەڭبەك سىڭىرگەن قايراتكەرى ايگۇل ءتا­تيدىڭ بيلەرىمەن ورنەكتەلگەن « ۇلى دالا مۇراسى» ديۆەر­تيسمەنتى كور­سەتىلەدى. قازاقتىڭ بولمىسىن سۋرەتتەيتىن ەتنو­گرا­فيالىق سي­پاتتاعى ءارى بەي­نەلىك قاتارى تەرەڭ مينياتيۋ­را­لاردا ۇلى دا­لانىڭ باي مادە­نيەتى سۋرەتتەلگەن. ايتۋلى با­لەت باعدارلاماسىن تاما­شا­لاي وتىرىپ, قازاق حو­رەو­گرا­­فيا ونەرىنىڭ جەتكەن بيى­گىن كورىپ, ەتنوگرافيالىق ەلەمەنتتەر مەن بي ءداستۇرىن, زاماناۋي بالەت­مەيستەرلىك شەشىمدەردى ۇيلەستىرە بىلگەن تۋىندىلارعا باعا بەرۋگە بولادى. سونداي-اق تەاتر ۇجىمى دايىنداپ جاتقان جاڭا ماۋسىمنىڭ جاڭا جوبالارى دا جان جادىراتادى.

– جاڭا ماۋسىمدا بىرنەشە پرەمەرا جوسپارلاپ وتىرمىز. اتاپ ايتساق, 6-7 قازاندا «وت قىز» ەرتەگى بالەتىن ۇسىن­باقشىمىز. بۇل سپەكتاكل – دارىندى اۆتورلاردىڭ جۇ­مىلا اتقارعان ەڭبەگىنىڭ جەمىسى. لي­برەتتو اۆتورى باقىت قا­يىر­­­­بەكوۆ مادەنيەتىمىزدىڭ قىر-سىرىن اشىپ, وزىندىك ەرەك­شە­­لىگىن ايگىلەپ بەرسە, ءانشى كا­رينا ابدۋللينا شىعارعان مۋزىكا سپەكتاكلگە جان ءبىتىرىپ, ءتۇرلى ەموتسياعا بولەيدى. ال حورەوگراف مۋكارام ءاۆاحريدىڭ جاڭاشىل, باتىل يدەيالارى كو­­رەرمەن ساناسىنا قوزعاۋ سالىپ, كوكەيىنەن شىعادى دەگەن ۇمىتتەمىز. تەاترىمىزدىڭ ءار­بىر جاڭا ماۋسىمى تەاتر الە­­مىنە شومىپ, بيىك ونەردىڭ عاجايىپ الەمىنە ساياحات جاساۋ­مەن پارا-پار دۇنيە, دەپ بالەت ورداسىنىڭ جاڭالىقتارىنا تەاتر ديرەكتورى الەكساندر سو­ۆوستيانوۆ جان-جاقتى توق­تالدى.

مادەنيەت جانە اقپارات مينيسترلىگىنىڭ قولداۋىمەن ساحنا­عا جول تارتاتىن قاي سپەك­تاكلدىڭ دە كورەرمەنىنە سىيلار رۋحاني ءلاززاتى مول.