اقبوكەندەر شارۋالاردى شارشاتتى

ايتەكە بي اۋدانىندا بيداي وسى­رۋمەن اينالىساتىن «ەڭبەك-Agro» جشس باسشىسى رومان جاۆرەنكو ەگىس القابىنىڭ 1 700 گەكتارىن كيىكتەر جەپ قويعانىن حابارلادى.

ء«بىز كيىكتەردى قانشا قۋالاساق تا بولار ەمەس. ءپىسىپ تۇرعان بيداي­دىڭ ءدامىن تاتقان جابايى جانۋار ۇيىرلەرى بىرەسە انا باستان, بىرەسە مىنا باستان كىرىپ كەتەدى. شىنى كەرەك, بىرنەشە شاقىرىم ەگىس القاپتارىن قورىپ وتىرۋعا شا­مامىز جوق. بيىل كيىك سانى بىل­تىرعىدان كوپ ءارى ولار ادامداردان قورىقپايدى. ۇر­كىتىپ جى­بەرگەنىمىزبەن, 100 مەتر جەرگە دەيىن بارىپ, ادامدارعا قاراپ تۇرادى. ۇكىمەت قانداي دا ءبىر شارا قابىلداماسا, كيىك ءبىزدى بانكروت قىلۋعا شاق قالدى. ولاردى ۇركىتۋ ءۇشىن شاعىن گاز باللوندارىن ساتىپ الدىق. بىراق بۇل – پايداسىز ارەكەت», دەيدى ر.جاۆرەنكو.

بيىلعى جاز ونسىز دا اقتوبەلىك شارۋالارعا وڭاي سوقپادى. شىل­دەدە ايتەكە بي, حرومتاۋ, قارعا­لى, مارتوك اۋداندارىنىڭ ەگىس ال­قاپتارى شەگىرتكە شابۋىلىنا ۇشىراسا, ەندى استىق پىسكەندە كيىك مازا بەرمەي تۇر. دالانىڭ قۇنارلى ءشوبى ازايعان سوڭ جابايى جانۋار ەگىنگە تۇسەدى. ونىڭ ۇستىنە بىرنەشە كۇننەن بەرى تولاسسىز جاۋعان جاڭبىر شارۋالارعا بيدايدى تولىق جيناپ الۋعا مۇمكىندىك بەر­مەي جاتىر.

اقتوبە وبلىسى اۋماعىندا كيىك­­تەردىڭ بەتپاقدالا جانە ءۇستىرت تارالىمى مەكەندەيدى. كوكتەمدە جۇرگىزىلگەن اۋە ساناعىندا باي­عانين جانە شال­قار اۋداندارىندا ءۇستىرت توبىنا جاتاتىن 39 700 باس, ال اي­تەكە بي, ىرعىز, حرومتاۋ اۋداندارى اۋماعىنان بەت­پاقدالا ءۇيىرىنىڭ 120 مىڭ باسىن ەسەپتەدى. ايتەكە بي اۋدانى اۋماعىنان كۇزدە كيىكتەردىڭ بەتپاقدالا توبى ارقاعا قاراي اۋا­دى. ال جەرگىلىكتى تۇرعىندار وسى كەز­دە كيىكتەردىڭ رەسەي جا­عىنان دا كە­لىپ جاتقانىن ايتادى. كيىك شابۋى­لىنان زارداپ شەككەن شارۋالاردىڭ شاعىمىن نەگىزگە العان وبلىستىق اۋىل شا­رۋاشىلىعى باسقارماسى ءبىر اي بۇرىن اۋىل شارۋاشىلىعى مينيسترلىگىنە حات جازعان. ازىرگە جاۋاپ جوق. كيىكتەردى قورعاۋعا جاۋاپ­تى مەكەمە «وحوتزووپروم» رمقك اقتوبە وبلىستىق بولىم­شەسى رەيدتەرگە شىعىپ, دالا جانۋا­رىنىڭ قوز­عالىسىن سىرتتاي باقىلاپ قانا وتىر­عاندارىن جەت­­كىزدى. ويتكەنى ەلىمىزدە كيىك اتۋ­عا مو­راتوري 2024 جىلعا دەيىن ۇزارتىلعان.

اقتوبە وبلىسى