قارجى مونيتورينگ اگەنتتىگىنىڭ شىمكەنت قالاسى بويىنشا دەپارتامەنتى بيزنەس قۇقىقتارىن قورعاۋ جانە كولەڭكەلى ەكونوميكامەن كۇرەس بويىنشا جۇرگىزىلىپ جاتقان جۇمىس اياسىندا تانىمال ەنەرگەتيكالىق سۋسىن شىعاراتىن جاسىرىن تسەحتىڭ قىزمەتىن توقتاتتى, دەپ حابارلايدى Egemen.kz.
«قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ ماماندارى جانە ساۋدا ماركاسىنىڭ قۇقىق يەلەنۋشىنىڭ وكىلدەرى جەدەل-ىزدەستىرۋ ءىس-شارالارىن جۇرگىزدى. ناتيجەسىندە 21 مىڭ قۇتىدان استام كونترافاكتىلىك سۋسىننىڭ دايىن ونىمدەرى, تاۋار بەلگىسى بار 54 مىڭ دانادان استام ەنەرگەتيكالىق سۋسىندى قۇيۋعا ارنالعان جابدىق, سيا بۇرىككىش جاپسىرما, وراۋ قۇرىلعىلارى, قاقپاقتار, قۇرعاق قوسپالار تاركىلەندى», دەلىنگەن ۆەدومستۆو حابارلاماسىندا.
كەلتىرىلگەن شىعىن كولەمى 37 ملن تەڭگەدەن اسادى. ۇلتتىق ساراپتاما ورتالىعىنىڭ ميكروبيولوگيالىق زەرتتەۋ حاتتاماسىنا سايكەس, تاركىلەنگەن سۋسىننىڭ قۇرامىندا رۇقسات ەتىلگەن مولشەردەن ەكى ەسە جوعارى زەڭ مەن اشىتقى بار.
«بۇل ءونىم تۇتىنۋعا جارامسىز, ويتكەنى ول ادام دەنساۋلىعىنا, اسىرەسە جاس اعزاعا زيان كەلتىرەدى. اتالعان فاكتى بويىنشا سوتقا دەيىنگى تەرگەۋ باستالدى. تەرگەۋ مۇددەسىندەگى باسقا اقپارات جاريا ەتىلمەيدى», دەلىنگەن حابارلامادا.
ايتا كەتەيىك, قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.