مەملەكەت باسشىسى قاسىم-جومارت توقاەۆ بۇگىن پارلامەنتتىڭ بىرلەسكەن وتىرىسىندا قازاقستان حالقىنا ارناعان «ادىلەتتى قازاقستاننىڭ ەكونوميكالىق باعدارى» جولداۋىندا اۋىل شارۋاشىلىعىن عىلىمعا سۇيەنىپ دامىتپاسا, توقىراۋعا ۇشىرايتىنىن ايتتى, دەپ حابارلايدى Egemen.kz.
«قازىرگى اۋىل شارۋاشىلىعى – جوعارى تەحنولوگيالى سالا. شارۋالاردى جەر جاعدايى نەمەسە اۋا رايى ەمەس, يننوۆاتسيالىق امال-تاسىلدەر تابىسقا جەتكىزەدى. زاماناۋي عىلىمعا سۇيەنبەسە, اۋىل شارۋاشىلىعى جاي توقىراۋعا ەمەس, قۇردىمعا كەتەدى. اگروعىلىمدى دامىتۋ جانە ەڭ باستىسى, ونى اۋىل شارۋاشىلىعىندا ءىس جۇزىندە قولدانۋ ءۇشىن شارالار قابىلداۋ قاجەت. ۇلتتىق اگرارلىق عىلىمي-ءبىلىم بەرۋ ورتالىعىن زەرتتەۋ ءىسىنىڭ بارلىق ساتىسىن قامتيتىن اگروتەحنولوگيا حابىنا اينالدىرۋ كەرەك», دەدى پرەزيدەنت.
سونداي-اق ول شەتەلدىڭ تانىمال اگرو-عىلىمي ورتالىقتارىمەن تولىققاندى عىلىمي-تاجىريبەلىك ىنتىماقتاستىق ورناتۋ كەرەك ەكەنىن ايتتى.
ء«بىز جەكە عىلىمي-تەحنولوگيالىق باستامالاردى قولدايمىز. ءبىلىم بەرۋ باعدارلامالارىن اۋىل شارۋاشىلىعى تالاپتارىنا بەيىمدەيمىز. ەگىن شارۋاشىلىعىندا ماڭىزدى رەفورما جاسايتىن كەز كەلدى. ەگىس تۇرلەرىن كوبەيتۋىمىز كەرەك. سونداي-اق كوبىرەك پايدا اكەلەتىن داقىلدار ەككەن ءجون. سۋدى كوپ قاجەت ەتەتىن ەگىس القابىن بىرتىندەپ ازايتىپ, ءبىر عانا داقىل ءتۇرىن ەگۋدى شەكتەۋ قاجەت. ديقانداردى جەرگىلىكتى تۇقىممەن قامتاماسىز ەتۋ ماڭىزدى. سونىمەن قاتار جاڭا سۇرىپتاردى شىعارىپ, ونى ءوسىرۋ ماسەلەسىن شەشكەن ءجون», دەدى ق.توقاەۆ.