استانا قالاسىنىڭ پوليتسيا دەپارتامەنتى اكىمشىلىك پوليتسيا باسقارماسىنىڭ كەلىسىمى بويىنشا جول قوزعالىسى قاۋىپسىزدىگىن قامتاماسىز ەتۋ ماقساتىندا بىردەن بىرنەشە كوشەدە جوندەۋ جۇرگىزىلىپ جاتقانىن حابارلادى. وسىعان بايلانىستى جوندەلەتىن ۋچاسكەلەردە قوزعالىس ۋاقىتشا جابىلدى, دەپ جازادى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ماسەلەن, جول توسەمىن جوندەۋ تۇران داڭعىلى مەن دوستىق كوشەسىنىڭ قيىلىسىندا جۇرگىزىلۋدە.
وسىعان بايلانىستى 26-27 تامىز ارالىعىندا وسى ۋچاسكەدە كولىك قوزعالىسى تولىعىمەن توقتاتىلادى.
26-31 تامىز ارالىعىندا تاشەنەۆ كوشەسىنەن يمانوۆ كوشەسىنە دەيىنگى ۋچاسكەدە رەسپۋبليكا داڭعىلىندا كولىك قوزعالىسى ءىشىنارا جابىلاتىن بولادى. مۇندا دا جوندەۋ جۇرگىزىلىپ جاتىر.
بۇدان باسقا, ورتاشا جوندەۋگە بايلانىستى 26-31 تامىز كۇندەرى دوستىق كوشەسىنەن سىعاناق كوشەسىنە دەيىنگى ارالىقتاعى تۇركىستان كوشەسى جابىلادى.
«ەلوردا تۇرعىندارى مەن قوناقتارىنان قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت», دەلىنگەن حابارلامادا.