ورتالىق كوممۋنيكاتسيالار قىزمەتى الاڭىندا وتكەن ءباسپاسوز كونفەرەنتسياسىندا ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى-قون كوميتەتىنىڭ توراعاسى اسقاربەك ەرتاەۆ ىشكى كوشى-قون ۇردىستەرىن رەتتەۋ ءۇشىن قانداي ءىس-شارالار قابىلدانىپ جاتقانىن ايتىپ بەردى, دەپ حابارلايدى Egemen.kz وكق ءباسپاسوز قىزمەتىنە سىلتەمە جاساپ.
ا.ەرتاەۆتىڭ ايتۋىنشا, ۇكىمەت قاۋلىسىمەن قانداستاردى, سونداي-اق ەلدىڭ وڭتۇستىك وڭىرلەردەن ىشكى ميگرانتتاردى قونىستاندىرۋعا باسىمدىق بەرىلەتىن ەلدىڭ 8 ءوڭىرى ايقىندالعان. بۇل نەگىزىنەن قازاقستاننىڭ سولتۇستىك جانە شىعىس وڭىرلەرى.
«بيىل ءبىز ىشكى كوشى-قوندى رەتتەۋدىڭ جاڭا تەتىكتەرىن ەنگىزىپ جاتىرمىز. ماسەلەن, سولتۇستىك وڭىرلەردىڭ جەرگىلىكتى اتقارۋشى ورگاندارىندا قونىس اۋدارۋشىلارعا كومەك كورسەتۋگە, ولاردى قىزىقتىراتىن بارلىق ماسەلەلەر بويىنشا كەڭەس بەرۋگە ارنالعان بەيىمدەۋ جانە كوشى-قون ورتالىقتارى قۇرىلدى. سونىمەن قاتار بيىلعى جىلدان باستاپ قونىس اۋدارۋشىلارعا ەكونوميكالىق ۇتقىرلىق سەرتيفيكاتى بەرىلەدى. بۇل ميگرانتتارعا اۋىلداردا, مونوقالالاردا تۇراقتاپ قالۋعا مۇمكىندىك بەرەتىن قۇرالداردىڭ ءبىرى. سەرتيفيكات ميگرانتقا دايىن تۇرعىن ءۇيدى تاڭداۋعا نەمەسە جاڭاسىن سالۋعا مۇمكىندىك بەرەدى. سەرتيفيكات تۇرعىن ءۇي قۇنىنىڭ 50%-ىن جابادى, بىراق سوما 4 ملن تەڭگەدەن اسپاۋعا ءتيىس», دەدى كوشى-قون كوميتەتىنىڭ باسشىسى.
بۇل ورايدا وسى كۇندەرى 245 وتباسى وسىنداي سەرتيفيكاتتارعا يە بولعان, جالپى, وسى ماقساتتارعا بيىلعى جىلى 10 ملرد تەڭگە بولىنگەن.