استانا قالاسىندا تۇرمىستىق كارىز جەلىسىنىڭ سالىنۋىنا بايلانىستى ەكى كوشەنىڭ قيىلىسى ۋاقىتشا جابىلادى, دەپ حابارلايدى Egemen.kz.
«وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى جول قوزعالىسى قاۋىپسىزدىگىن قامتاماسىز ەتۋ ءۇشىن استانا قالاسىنىڭ پد اكىمشىلىك پوليتسيا باسقارماسىمەن كەلىسە وتىرىپ, تۇرمىستىق كارىزدىڭ ماگيسترالدىق جەلىلەرىن سالۋ جونىندەگى جۇمىستار باستالدى», دەلىنگەن ەلوردا اكىمدىگىنىڭ رەسمي سايتىندا.
ناقتى ايتقاندا, «ديۆا» تۇرعىن ءۇي كەشەنى اۋدانىنداعى ايتەكە بي كوشەسى مەن ق.مۇحامەدحانوۆ كوشەسىنىڭ قيىلىسىندا كولىك قوزعالىسى 24 تامىزدان باستاپ 10 قازانعا دەيىن كەزەڭ-كەزەڭىمەن شەكتەلەدى.
تۇرعىندار مەن قوناقتارعا جولداردا كەپتەلىسكە تاپ بولماۋ ءۇشىن قوزعالىس باعىتىن الدىن الا جوسپارلاۋ قاجەتتىگى ەسكەرتىلگەن.